உலகின் தலைசிறந்த கால்பந்து அணிகளாக கருதப்படும் பார்சிலோனா அணியும், ரியல் மெட்ரிட் அணியும் லா லிகா கால்பந்து தொடரில் விளையாடி வருகின்றன.
இந்நிலையில், சம பலம் வாய்ந்த இவ்விரு அணிகளுக்கும் இடையேயான போட்டி இன்று நடைபெற்றது. விடுமுறை காலம் என்பதால் மைதானத்தில் ஆட்டத்தைக் காண இரு அணி ரசிகர்களும் அலைமோதினர்.
ஆட்டத்தின் முதல் பாதியில் ரியல் மெட்ரிட் அணியின் நட்சத்திர ஆட்டக்காரரான ரொனால்டோவும், பென்சிமாவும் தங்களுக்கு கிடைத்த கோல் அடிக்கும் வாய்ப்பை நழுவவிட்டனர்.
இதனையடுத்து, இரண்டாம் பாதியில் சிறப்பான ஆட்டத்தை வெளிப்படுத்திய பார்சிலோனா அணியில் நட்சத்திர ஆட்டக்காரர் மெஸ்ஸி, சுவாரஸ் மற்றும் விடல் ஆகியோர் தலா ஒரு கோல் அடித்து 3-0 என்ற கோல் கணக்கில் ரியல் மெட்ரிட் அணியை வீழ்த்தினர்.
இந்த வெற்றியின் மூலம், ஸ்பேனிஷ் சூப்பர் கப் தொடரில் ரியல் மெட்ரிட் அணியிடம் 5-1 என்ற கோல் கணக்கில் அடைந்த தோல்விக்கு பார்சிலோனா அணி பழிதீர்த்துள்ளது. மேலும், புள்ளிகள் பட்டியலில் முதலிடத்திற்கு முன்னேறி லா லிகா கோப்பையை வெல்லும் வாய்ப்பை பிரகாசப்படுத்தியுள்ளது.
Mobile AppDownload Get Updated News