ஆசிய பசுபிக் குத்துச்சண்டை போட்டி; விஜேந்தா் சிங் 10வது முறையாக வெற்றி

ஜெய்ப்பூாில் நடைபெற்ற ஆசிய பசுபிக் குத்துச்சண்டை போட்டியில் கானா வீரா் எா்னஸ்ட்டை வீழ்த்தி விஜேந்தா் சிங் 10வது முறையாக பட்டம் பெற்றாா்.

இந்திய தொழில்முறை குத்துச்சண்டை போட்டிகளில் முன்னணி வீரராக திகழும் விஜேந்தா் சிங், தனது 10வது தொழில்முறை குத்துச்சண்டையில் கானாவின் எா்னெஸ்ட் அமுஜுவுடன், நேற்று (சனிக்கிழமை) மோதினாா்.

இந்த போட்டியில் விஜேந்தா் சிங் ஆசிய பசுபிக் மற்றும் டபிள்யூ.பி.ஓ. ஓாியன்டல் பட்டங்களை தக்க வைத்துக் கொள்ளும் முனைப்புடன் களம் புகுந்தாா். 10 சுற்றுகள் கொண்ட இப்போட்டியில் விஜேந்தா் சிங் தொடக்கம் முதலே சிறப்பாக விளையாடினாா்.

தொடா்ந்து ஆக்ரோஷம் காட்டிய விஜேந்தா் சிங் ஒரு கட்டத்தில் கானா வீரரை நிலைகுலையச் செய்தாா். இருப்பினும் ஆட்டம் இறுதிவரை விறுவிறுப்புடன் சென்றது. 10வது சுற்றின் முடிவில் நடுவா்களின் ஒருமித்த முடிவில் விஜேந்தா் சிங் வெற்றி பெற்றாா். இதன்மூலம் விஜேந்தா் சிங் தனது இரண்டு பட்டங்களையும் தக்கவைத்துக் கொண்டாா்.

இதுவரை 10 தொழில்முறை குத்துச்சண்டை போட்டிகளில் விளையாடியுள்ள விஜேந்தர் சிங், அனைத்து போட்டிகளிலும் வெற்றி பெற்றுள்ளார். 25 போட்டிகளில் விளையாடியுள்ள, எர்னெஸ்ட் அமுஜூவுக்கு இது 3-வது தோல்வியாகும். கடந்த வாரம் எர்னெஸ்ட், விஜேந்தரை 3 அல்லது 4-வது ரவுண்டிலேயே நாக் அவுட் செய்து வெளியேற்றுவேன் என கூறியிருந்தார் என்பது குறிப்பிடத்தக்கது.