தென் கொரியாவின் சியோல் நகரில் கொரிய ஓபன் பேட்மிண்டன் தொடர் நடக்கிறது. இதில் இந்தியாவின் ரியோ ஒலிம்பிங் வெள்ளி மங்கை பி.வி.சிந்து நேற்று நடைபெற்ற மகளிர் ஒற்றையர் பிரிவு அரையிறுதி ஆட்டத்தில் சீன வீராங்கனை ஹி பிங்ஜியோவை வீழ்த்தி இறுதிப்போட்டிக்குத் தகுதிபெற்றார்.
இன்று நடைபெற்ற இறுதிப்போட்டியில் அவர் ஜப்பானின் நயோமியை எதிர்கொண்டார். இதில், முதல் செட்டில் கடும் போராட்டத்திற்குப் பிறகு 22-20 என வெற்றிபெற்றார் சிந்து. பின், எழுச்சி கொண்ட நயோமி இரண்டாவது செட்டை 11-22 என கைப்பற்றினார். வெற்றியைத் தீர்மானிக்கும் மூன்றாவது செட்டில் இரு வீராங்கனைகளும் அனல் பறக்கும் ஆட்டத்தை வெளிப்படுத்தினர்.
ஆக்ரோஷமான ஆட்டத்தை வெளிப்படுத்திய சிந்து ஒரு புள்ளியை 56 ஷாட்களுக்குப் பிறகு கைப்பற்றினார். இறுதியில் 22-20, 11-21, 21-18 என்ற செட் கணிக்கில் நயோமியை வீழ்த்தி கொரிய ஓபன் பேட்மிண்டன் பட்டத்தை தன்வசப்படுத்தினார்.
இதன் மூலம் கொரிய ஓபன் பேட்மிண்டன் தொடரில் முதல் முறையாக பட்டம் வென்ற இந்தியர் என்ற சாதனையை அவர் சொந்தமாக்கிக் கொண்டார்.
’சிறந்த போர்’:
பி.வி.சிந்துவின் வெற்றி குறித்து இந்திய தேசிய பேட்மிண்டன் பயிற்சியாளர் கோபிசந்த் சமயம் தமிழுக்கு அளித்த பேட்டியில்,’என்ன ஒரு போட்டி. இரு வீரர்களும் சிறப்பான போராட்டத்தை வெளிப்படுத்தினர். இதைப்பார்த்த போது, உலக சாம்பியன்ஷிப் பைனலை மறுபடி பார்த்த அனுபவம் ஏற்பட்டது. இரு வீராங்கனைகளும் சிறந்த சாம்பியன்கள் தான்.’ என்றார்.
Mobile AppDownload Get Updated News