1998ஆம் ஆண்டு நடைபெற்ற உலக கோப்பையில் பிரான்ஸ் அணி கோப்பையை வெல்வதற்கு மிக முக்கியம் காரணமாக இவர் திகழ்ந்தார். பிரீமியர் லீக் வரலாற்றில் மிகச் சிறந்த வீரர்களில் ஒருவராக ஹென்ரி கருதப்படுகிறார். ஆர்சனல் அணிக்கு கோல் மழை பொழிந்த இவர் மொத்தம் ஆர்சனல் அணி 228 கோல் பதிவு செய்துள்ளது குறிப்பிடத்தக்கது. மேலும் ஆர்சனல் அணியின் வரலாற்றில் மிக அதிக கோல் அடித்த வீரர் என்ற பெருமையும் இவரையே சேரும்.
கால்பந்தாட்டத்தில் சிறப்பான ஆட்டத்தை வெளிப்படுத்தும் இவர் பல அநீதிகளுக்கு எதிராக குரல் எழுப்பியுள்ளார். குறிப்பாக நிறவெறி தாக்குதல்களுக்கு எதிராக குரல் எழுப்பும் மிக முக்கியமான ஒரு வீரராக திகழ்கிறார்.
சமீபகாலமாக வீரர்கள் ஓரிரு ஆட்டங்களில் சிறப்பான ஆட்டத்தை வெளிப்படுத்த தவறும் பட்சத்தில் அவரை சமூக வலைதளங்களில் நிறவெறி தாக்குதல்கள் நடத்துவது இயல்பான ஒன்றாக மாறிவிட்டது. பல்வேறு வீரர்கள் முன்வந்து இதற்கு கண்டனங்கள் தெரிவித்தனர். மேலும் உலகின் பல்வேறு லீக் நிறவெறி தாக்குதல்களுக்கு எதிராக கடுமையான தண்டனைகளையும் அறிவித்தனர்.
நேரில் நிறவெறி தாக்குதல் நடத்தும் நபர்களை தொடர்ந்து தண்டித்தும் வருகின்றனர். ஆனால் சமூக வலைதளங்களில் முகம் தெரியாத பலர் வீரர்களை நிறவெறி தாக்குதல்கள் நடத்துவது தொடர்ந்து நடைபெற்று வருகிறது, சமூக வலைதளங்கள் மூலம் யார் நிறவெறி தாக்குதல்களில் ஈடுபடுகிறார்கள் என்பதை அடையாளம் காண்பது என்பது காவல்துறையினருக்கு மிகப்பெரிய தலைவலியாக அமைகிறது.
எனவே இதற்கு உதவுமாறு பல்வேறு நாட்டின் லீக் சார்பாக சமூக வலைதளங்களுக்கு சமீபத்தில் கடிதம் எழுதினர். ஆனால் அதற்கான முறையான விடை இல்லாத காரணத்தால் ஏமாற்றமடைந்தனர். இந்நிலையில் முன்னாள் வீரரான ஹென்ரி அதிரடியான அறிவிப்பு ஒன்றை வெளியிட்டார்.
இதில் அவர் 'காப்பிரைட்' போன்ற விஷயங்களிலெல்லாம் கடுமையாக இருக்கும் சமூக வலைதளப் பக்கங்கள் நிறவெறி தாக்குதல்களில் இல்லாதது ஏனோ என்ற கேள்வியையும் எழுப்பியுள்ளார். மேலும் இதற்கு சரியான தீர்வு கிடைக்கிற வரைக்கும் அனைத்து சமூகவலைதளத்தில் இருந்தும் விலகுவதாக பகிரங்கமாக அறிவித்துள்ளார்.
Mobile AppDownload Get Updated News