காயத்தால் தவிக்கும் சாம்பியன்கள்: லிவர்பூல், ரியல் மாட்ரிட் அணிகளின் அவலநிலை!

காயம் என்பது கால்பந்து வீரர்களுக்கு இயல்பான ஒன்று, அணியில் ஓரிரு வீரர்கள் காயம் காரணமாக விலகும் பட்சத்தில் மாற்று வீரர்களை கொண்டு ஆட்டத்தில் அணுகுவது கால்பந்தாட்டத்தில் இயல்பு. பட்ட காலிலேயே படும் என்பது போல் நடப்பு சீசனில் ரியல் மாட்ரிட் மற்றும் லிவர்பூல் அணிகளில் முன்னணி வீரர்கள் பலர் காயம் காரணமாக விலகியுள்ளனர் இதனால் இரு அணிகளும் இம்முறை சாம்பியன்ஷிப் பட்டம் வெல்வது என்பது இயலாத ஒன்றாகவே பார்க்கப்படுகிறது.

ரியல் மாட்ரிட்:
சென்ற சீசனில் ஸ்பெயின் நாட்டின் லா லிகா லீக் கோப்பையை வென்ற ரியல்மாட்ரிட் அணி நடப்பு சீசனில் துவக்கத்திலிருந்து பெரிய அளவு சிறப்பான ஆட்டத்தை வெளிப்படுத்தவில்லை. சென்ற சீசனின் துவக்கத்தில் இங்கிலாந்து நாட்டின் செல்சீ அணியிலிருந்து நட்சத்திர வீரரான ஹசார்ட் மற்றும் ஜெர்மனி நாட்டைச் சேர்ந்த ஃபிராங்க்ஃபட் அணியின் நட்சத்திர வீரரான யோவிச் ஆகியோரை அணியில் இணைத்தது.

இவ்விரு வீரர்களும் அணியில் இணைந்ததிலிருந்து காயம் அடைந்து வருகின்றனர், இதனால் பல்வேறு ஆட்டங்களில் பங்கு பெறாத நிலை ஏற்பட்டது. மட்டுமல்லாமல் நடப்பு சீசனிலும் இவ்விருவரும் தொடர்ந்து காயம் காரணமாக பல ஆட்டங்களைப் தவறிவிட்டனர்.

முன்களத்தில் ஆடும் இவர்களுக்கு பதிலாக ரியல் மாட்ரிட் அணியின் சார்பாக வினிசியஸ், ராட்ரிகோ என இரண்டு இளம் வீரர்களை ரியல்மாட்ரிட் அணி களமிறக்கியது ஆனால் சிறிது காலத்தில் இவ்விரு வீரர்களும் காயம் காரணமாக வெளியேறினர். இது அணிக்கு பெரும் பின்னடைவாக அமைந்தது, இதனால் அணியின் முன்கள பாதிக்கப்பட்டது, கோல் அடிப்பதில் இடையூறு ஏற்பட்டது.

அதைத் திக்கு முக்கி சமாளித்த ரியல்மாட்ரிட் அணியின் கேப்டன் ராமோஸ் காயம் காரணமாக வெளியேறினார் இது அணிக்கு பெரும் பின்னடைவாக அமைந்தது. பொதுவாக அணியில் முன்னணி தடுப்பு ஆட்டக்காரர் காயம் அடைந்தால் அணிக்கு பெரும் பின்னடைவு ஏற்படும் ஏனெனில், தடுப்பு ஆட்டத்தில் ஈடுபடும் வீரர்கள் அவ்வளவு எளிதாக காயம் அடைய மாட்டார்கள் என்பதால் இரண்டாம் நிலை வீரர்கள் முதல்நிலை வீரர்களைப் போல திறன் படைத்தவர்களாக இருக்க மாட்டார்கள்.

அதைத்தொடர்ந்து அணியின் மற்றொரு தடுப்பு ஆட்டக்காரரான கர்வாஹால் காயம் காரணமாக வெளியேற அணிக்கு வலது பக்க கடுப்பு ஆட்டக்காரராக செயல்பட யாருமில்லாத இருந்தனர் எனவே அணியின் முன்கள வீரரான வாஸ்க்கஸ் வலதுபுற தடுப்பு ஆட்டக்காரராக செயல்படத் தொடங்கினார். நடப்பு சீசனில் ரியல் மாட்ரிட் அணியின் முன்கள வீரர்கள், தடுப்பு ஆட்டகாரகள் என பல முன்னணி வீரர்கள் காயம் காரணமாக வெளியேறியதன் மூலம் பல்வேறு ஆட்டங்களில் தோல்வி அடைய நேரிட்டது இதனால் முதலிடத்தில் இருக்கும் அட்லடிகோ அணியை விட 6 புள்ளிகள் பின்தங்கிய நிலையில் மூன்றாம் இடத்தில் உள்ளனர்.

லிவர்பூல்:
சென்ற சீசனில் ஆதிக்கம் செலுத்தி வெற்றிபெற்ற லிவர்பூல் அணி இந்த சீசனிலும் ஆதிக்கம் செலுத்தும் என்று எதிர்பார்க்கப்பட்டது. கடுமையான தாக்குதல் ஆட்டத்தில் ஈடுபட்டு அதிக கோல் அடித்து வெற்றிபெறும் லிவர்பூல் அணியின் முன்னணி தடுப்பு ஆட்டக்காரரான வான் டைக், எவர்டன் அணிக்கு எதிரான ஆட்டத்தில் காயம் அடைந்ததன் மூலம் சீசன் முழுவதும் கால்பந்தாட்டத்தில் பங்கேற்க மாட்டார் என்று வெளியேறினார்.

இது அணிக்கு பெரும் பின்னடைவாக அமைந்தது, காரணம் கடுமையான தாக்குதல் ஆட்டத்தில் ஈடுபடும் லிவர்பூல் அணிக்கு தடுப்பு ஆட்டத்தில் சிறப்பாக செயல்படும் வீரர்கள் தேவைப்பட்டனர், தடுப்பு ஆட்டம் சிறப்பாக செயல்படாத பட்சத்தில் தாக்குதல் ஆட்டம் கடுமையாக பாதிக்கப்படும். வான் டைக் காயமடைந்து மட்டுமில்லாமல் அவருக்கு பதிலாக தடுப்பு ஆட்டத்தில் ஈடுபடுத்தப்பட்ட கோமஸ், மாட்டிப், ஹெண்டர்சன், பிலிப்ஸ், டேவிஸ், ஃபாபின்னோ என பலர் காயம் அடைந்து வெளியேறினார்.

இதனால் லிவர்பூல் அணிக்கு தடுப்பு ஆட்டம் மட்டுமல்லாமல் நடுகல் வீரர்களையும் தடுப்பு ஆட்டத்தில் ஈடுபட செய்தனர், அவர்களும் காயத்தினால் வெளியேற ஜனவரி மாதம் புதிதாக இரண்டு தடுப்பு ஆட்டக்காரர்களை அணியில் இணைத்தனர், அவ்விரண்டு வீரர்களில் ஒருவர் காயத்தின் காரணமாக வெளியேறினார்.

சென்ற சீசனில் 38 ஆட்டங்களில் 33 கோல் கொடுத்த லிவர்பூல் அணி, நடப்பு சீசனில் ஆடிய 30 ஆட்டங்களில் 36 கோல் கொடுத்துள்ளது குறிப்பிடத்தக்கது. மட்டுமில்லாமல் சென்ற சீசனில் 38 ஆட்டங்களில் 85 கோல் பதிவு செய்த லிவர்பூல் அணி நடப்பு சீசனில் ஆடிய 30 ஆட்டங்களில் 46 கோல் மட்டுமே பதிவு செய்துள்ளது. சென்ற சீசனில் 18 புள்ளிகள் முன்னிலை பெற்று முதலிடத்தை பிடித்த லிவர்பூல் அணி தற்பொழுது ஏழாவது இடத்தில் தவித்து வருகிறது.

வீரர்களுக்கு காயம் ஏற்படுவது என்பது இயல்பான ஒன்றாக இருந்தாலும் நடப்பு சீசனில் ரியல் மாட்ரிட் மற்றும் உவர்ப்பு ஆகிய அணிகளின் வீரர்களுக்கு ஏற்பட்ட காயங்கள் இரு அணிகளையும் உருக்குலைய செய்துள்ளது.