ஆரம்பமே அட்டகாசமாக இருந்த மிலான் அணிக்கு ஆட்டத்தின் 15வது நிமிடத்தில் கலாப்ரியா கொடுத்த கிராஸ்சை லியாவ் தலையால் முட்ட பந்து கோல் கம்பத்தில் பட்டு வெளியேறியது. கிடைத்த அருமையான வாய்ப்பை நிச்சயம் போல் அடிப்பார் என்று எதிர்பார்த்த நிலையில் அவர் தவற விட்டது அனைவரையும் அதிர்ச்சி அடையச் செய்தது.
தொடர்ந்து தாக்குதல் நடத்திய மிலான் அணிக்கு ஆட்டத்தின் 28வது நிமிடத்தில் ஃப்ரீகிக் கிடைக்க, அதை மிலான் அணியின் குருனிச் எடுக்க முன்வந்தார். அவர் அடித்த பந்து துல்லியமாக கோலாக மாறியது. முன்னிலைப்பெற்ற மிலான் அணி ஆட்டத்தை நிதானமாக எடுத்துச் சென்றது. முன்னிலை பெற்றதில் இருந்து மிலான் அணி கடுமையான தடுப்பு ஆட்டத்தில் ஈடுபட்டது இதனால் ஹெல்லாஸ் அணி அதிக அளவில் வாய்ப்புகளை ஏற்படுத்தவில்லை, மிலான் அணியும் வாய்ப்புகளை உறுதிப்படுத்தவில்லை. மிக மந்தமாக சென்ற ஆட்டத்தின் முதல் பாதி 1-0 என்ற கோல் கணக்கில் முடிவடைந்தது.
பார்சிலோனா அணியின் அதிபர் தேர்தல்: முன்னணி வீரர்கள் வாக்குப்பதிவு!
இரண்டாம் பாதி துவங்கிய ஐந்து நிமிடத்திலேயே மிலான் அணியின் அலெக்ஸ்சிஸ் கொடுத்த கிராஸ்சை டலோட் கோலாக மாற்ற மிலான் அணி இரண்டு கோல் முன்னிலை பெற்றது. முதல் பாதியை போலவே இரண்டாம் பாதியிலும், மிலான் அணி தடுப்பு ஆட்டத்தில் ஈடுபட்டு ஆட்டத்தை மெதுவாக எடுத்துச் சென்றது. மந்தமாக சென்ற ஆட்டத்தின் 77வது நிமிடத்தில் கெச்சரினி தனக்கு கிடைத்த வாய்ப்பை நழுவ விட ஹெல்லாஸ் அணிக்கு கோல் அடிக்க கிடைத்த அருமையான வாய்ப்பு நழுவிச் சென்றது. இரண்டாம் பாதியில் இரு அணிகளும் பெரிய அளவில் வாய்ப்புகளை ஏற்படுத்தவில்லை. இறுதியாக 2-0 என்ற கோல் கணக்கில் மிலான் அணி வெற்றி பெற்றது.
இந்த வெற்றியின் மூலம் மிலான் அணி முதல் இடத்தில் இருக்கும் இன்டர் அணியோடு இருக்கும் புள்ளி வித்தியாசத்தை மூன்றாக குறைத்துள்ளது.
Mobile AppDownload Get Updated News
.jpeg)
