இதையடுத்து இன்று பார்சிலோனா அணியின் அதிபர் தேர்தல் நடைபெறுகிறது. இதில் 'சோசியோ' என்றழைக்கப்படும் பார்சிலோனா அணியின் உறுப்பினர்கள் வாக்கு செலுத்தி அதிபரை தேர்ந்தெடுப்பார்கள். பார்சிலோனா அணியின் ரசிகர்கள், முன்னாள் வீரர்கள், முன்னாள் மேலாளர்கள், தற்போதைய மேலாளர், வீரர்கள் என ஒரு லட்சத்துக்கும் மேல் உறுப்பினர்களைக் கொண்ட சோசியோ குழு இன்று வாக்கு செலுத்தி வருகிறது.
இதற்கிடையில் சுமார் 20,000 பேர் தபால் மூலம் வாக்கு செலுத்தியுள்ளனர். மேலும், எஞ்சியுள்ள 80 ஆயிரத்துக்கும் மேற்பட்டோர் கேட்டலான் பகுதியில் வெவ்வேறு இடங்களில் உள்ள மையத்தில் வாக்கு செலுத்தி வருகின்றனர். இன்று மதியம் தொடங்கிய தேர்தலில் மெஸ்ஸி, புஸ்க்கட்ஸ் போன்ற தற்போதைய வீரர்களும், போயான், என்ரிக்கே போன்ற முன்னாள் வீரர்களும் வாக்கு செலுத்தினர்.
அதிபர் தேர்தலுக்காக போட்டியிடும் மூன்று வேட்பாளர்களான லப்போர்ட்டா, ஃபான்ட், ஃபிரிக்ஸ்சியா என அனைவரும் அடுத்த ஆண்டு மெஸ்ஸியை மனம் மாற்றி பார்சிலோனா அணியிலேயே நீடிக்க செய்வதை தேர்தல் அறிக்கையில் குறிப்பிட்டுள்ளனர். குறிப்பாக லப்போர்ட்டா 2003ஆம் ஆண்டிலிருந்து 2010ஆம் ஆண்டு வரை பார்சிலோனா அணியின் மேலாளராக செயல்பட்டார்.
பார்சிலோனா அணியின் பொற்காலத்திற்கு வித்திட்டவராக கருதப்படும் இவர், மெஸ்ஸியை பார்சிலோனா அணிக்கு அறிமுகப்படுத்தியவர் என்பது குறிப்பிடத்தக்கது. யார் அடுத்த அதிபர் என்ற கேள்விக்கு விடியும் பொழுது பதில் தெரியவரும்.
Mobile AppDownload Get Updated News