சர்ச்சைக்குரிய நடுவரின் தீர்ப்பு: டிரா செய்தது ஆர்சனல்

இங்கிலாந்து நாட்டில் நடைபெற்று வரும் பிரீமியர் லீக் போட்டியில் புள்ளி பட்டியலில் பத்தாமிடத்தில் இருக்கும் ஆர்சனல் அணியும் 15வது இடத்தில் இருக்கும் பர்ன்லீ அணியும் மோதின இவ்விரண்டு அணிகள் மோதிய முதல் ஆட்டத்தில் பர்ன்லீ அணி 1-0 என்ற கோல் கணக்கில் வெற்றி பெற்றது. கடந்த நான்கு ஆட்டங்களில் ஒரு தோல்வி மூன்று டிரா என மோசமான ஆட்டத்தை வெளிப்படுத்தி வரும் பர்ன்லீ அணிக்கு எதிராக வெற்றி பெற வேண்டும் என்ற முனைப்பில் ஆர்சனல் அணி களமிறங்கியது.

சக்தி வாய்ந்த அணிகளுக்கு எதிராக கடுமையான தடுப்பு ஆட்டத்தில் ஈடுபட்டு கிடைத்த நேரத்தில் கவுண்டர் அட்டாக் செய்து ஆட்டத்தை அணுகும் பர்ன்லீ அணிக்கு எதிராக ஆர்சனல் அணி வெற்றி பெறுவது என்பது அத்தனை எளிதான ஒன்று அல்ல. புள்ளிப் பட்டியலில் 15வது இடத்தில் இருந்தும் சக்தி வாய்ந்த அணிகளின் கண்களில் விரலை விட்டு ஆட்டும் பர்ன்லீ அணிக்கு எதிரான ஆட்டம் எப்பொழுதும் சவால் நிறைந்த ஒன்றாகவே அமையும். இந்த ஆட்டத்தை வெற்றிபெறும் பட்சத்தில் ஆர்சனல் அணி புள்ளிப் பட்டியலில் ஒன்பதாம் இடத்திற்கு முன்னேறும்.

வெற்றியை நோக்கி களமிறங்கிய ஆர்சனல் அணிக்கு துவக்கமே அட்டகாசமாக அமைந்தது. ஆட்டத்தின் 6வது நிமிடத்தில் வில்லியன் கொடுத்த பாசை அபாமயங் கோல் அடித்து ஆர்சனல் அணி முன்னிலை பெறச் செய்தார். பர்ன்லீ அணிக்கு எதிராக ஆட்டத்தின் துவக்கத்திலேயே கோல் அடித்தது ஆர்சனல் அணிக்கு பெரும் பலமாக அமைந்தது. பர்ன்லீ அணிக்கு எதிராக தடுப்பு ஆட்டம் அத்தனை கடினமான ஒன்றாக இருக்காது. ஆர்சனல் அணி இரண்டாவது கோலுக்காக தாக்குதல் நடத்திய சமயத்தில் பர்ன்லீ அணி ஆட்டத்தை நிதானமாக கையாண்டது.

ஆட்டத்தின் 15வது நிமிடத்தில் ஆர்சனல் அணியின் அபாமயங்கிர்க்கு அருமையான வாய்ப்பு கிடைக்க அதை கோல் பக்கம் திருப்பிவிட்டார் ஆனால் பர்ன்லீ அணியின் கேப்டன் பென் மீ கோல் விழாமல் காத்துக் கொண்டார். ஆட்டத்தின் 20வது நிமிடத்தில் அபாமயங் மீண்டும் ஒரு வாய்ப்பை நழுவ விட, ஆட்டத்தின் 23-வது நிமிடத்தில் சாக்கா தனக்கு கிடைத்த வாய்ப்பை நழுவ விட்டார். பர்ன்லீ அணியின் தடுப்பு ஆட்டத்தை மீறி வாய்ப்புகளை ஏற்ப்படுத்துவது என்பது மிகக் கடினமான ஒன்று ஆனால் ஆர்சனல் அணி அவர்களுக்கு கிடைத்த வாய்ப்புகளின் மகிமையைப் புரிந்து கொள்ளாமல் அனைத்தையும் தவற விட்டனர்.

கிடைத்த வாய்ப்புகளை நழுவ விட்ட ஆர்சனல் அணியை பர்ன்லீ அணி 40வது நிமிடத்தில் தன்டித்தது. ஆர்சனல் அணியின் ஷாக்கா பந்தை கிளியர் செய்ய முற்பட பந்து பர்ன்லீ அணியின் கிரிஸ் உட் மேல் பட்டு கோலாக மாறியது. ஆட்டத்தை சமன் செய்த பர்ன்லீ தொடர்ந்து தாக்குதல் நடத்தி ஆட்டத்தின் 43வது நிமிடத்தில் மீண்டும் ஒரு வாய்ப்பு உருவாக்க அதை விட்ரா தவறவிட்டார். முதல் பாதி 1-1 என்ற கோல் கணக்கில் முடிந்தது.

முதல்பாதியில் ஆட்டத்தை சமன் செய்த பர்ன்லீ அணி இரண்டாம் பாதியில் முற்றிலுமாக தடுப்பு ஆட்டத்தில் கவனம் செலுத்தியது. தாக்குதல் ஆட்டத்தில் ஈடுபட்ட ஆர்சனல் அணிக்கு பர்ன்லீ அணியின் தடுப்பு ஆட்டத்தை மீறி வாய்ப்புகளை ஏற்படுத்த இயலவில்லை ஆட்டத்தின் 70வது நிமிடத்தில் வில்லியன்னிர்க்கு பதிலாக பெப்பே களமிறக்கப்பட்டார் அதிலிருந்து ஆர்சனல் அணியின் வேகம் கூடியது. ஆட்டத்தின் 75வது நிமிடத்தில் பெப்பே கிராஸ் கொடுக்க பந்து பர்ன்லீ அணியின் பீட்டர்ஸ்ஸின் கையில் பட்டது என்று ஆர்சனல் அணியினர் நடுவரிடம் பெனால்டி கேட்டனர்.

கால்பந்து சட்டத்தில் புதிய மாற்றம்: அறியாமல் கை மேல் பந்து பட்டால் குற்றமில்லை

மறு பரிசீலனை செய்யப்பட்டு பெனால்டி மறுக்கப்பட்டது, ஆனால் ரீப்லேயில் பந்து கையில் பட்டது தெளிவாக தெரிந்தது, இருப்பினும் பெனால்டி மறுக்கப்பட்டது ரசிகர்களை கோபப்படுத்தியது. ஆட்டத்தின் 79வது நிமிடத்தில் பர்ன்லீ அணியின் பீட்டர்ஸ் மற்றும் உட் ஆகியோருக்கு கிடைத்த வாய்ப்பை நழுவ விட்டனர். ஆட்டத்தின் இறுதி கட்டத்தில் ஆர்சனல் அணியினர் தாக்குதல் நடத்தினர். ஆட்டத்தின் 85வது நிமிடத்தில் ஆர்சனல் அணிக்கு பெனால்டி வழங்கப்பட்டது. பெப்பே அடித்த பந்தை பீட்டர்ஸ் கையால் தட்டிவிட்டார் என்று குற்றம் சாட்டப்பட்டு நடுவர் பெனால்டி வழங்கினர் ஆனால் மறு பரிசீலனை செய்யப்பட்டு அந்த பெனால்டி திரும்பப் பெறப்பட்டது. தொடர்ந்து தாக்குதல் நடத்திய ஆர்சனல் அணிக்கு ஆட்டத்தின் இறுதி நிமிடத்தில் இரண்டு வாய்ப்புகள் கிடைக்க அபாமயங் மற்றும் செபெல்லாஸ் ஆகியோர் தவறவிட ஆட்டம் 1-1 என்ற கோல் கணக்கில் முடிவடைந்தது.

இந்த டிராவின் மூலம் ஆர்சனல் அணி ஒன்பதாம் இடத்திற்கு முன்னேறும் வாய்ப்பை நழுவ விட்டது. புள்ளி பட்டியல் பத்தாம் இடத்தில் தவித்து வரும் ஆர்சனல் அணி அடுத்த ஆண்டு யூரோப்பா லீகிர்க்கு தகுதி பெறுமா என்பது கேள்விக்குறியாகி நிற்கிறது.