மும்பை அணிக்கு எதிரான கடைசி ஆட்டத்தில் மோகன் பேகன் அணி தோல்வி அடைந்து லீக் போட்டிக்கான சுழற் கேடயத்தை இறுதி கட்டத்தில் தவறவிட்டது எனவே அதற்கு ஈடாக இந்தியன் சூப்பர் லீக் கோப்பையை வெல்ல வேண்டும் என்ற எண்ணத்தில் மோகன் பேகன் அணியினர் களமிறங்கினர்.
நார்த் ஈஸ்ட் அணி அதிக நேரம் பந்தை தங்கள் வசம் வைத்துக் கொள்ள விரும்பும் ஒரு அணி, மறுமுனையில் மோகன் பேகன் அணி பந்தை அதிகநேரம் தங்கள் வசம் வைத்துக் கொள்ளாவிட்டாலும் கிடைத்த நேரமெல்லாம் தாக்குதல் ஆட்டத்தில் ஈடுபட்டு கோல் பதிவு செய்யக்கூடிய ஒரு அணி. படத்தின் துவக்கத்திலேயே அது அப்பட்டமாக தெரிந்தது. நார்த் ஈஸ்ட் அணியினர் அதிக நேரம் பந்தை தங்கள் வசம் வைத்துக் கொண்டாலும் மோகன் அணியினர் அதிக அளவில் தாக்குதல் நடத்தி வந்தனர்.
சர்ச்சைக்குரிய நடுவரின் தீர்ப்பு: டிரா செய்தது ஆர்சனல்
மோகன் பேகன் அணி சார்பாக மன்விர் சிங், ஹெர்னான்டஸ், மார்சலினோ, ராய் கிரின்ஷனா என அனைவரும் மாறி மாறி மோகன் பேகன் அணிக்கும் கோல் பதிவு செய்ய வேண்டும் என்ற முனைப்பில் அடித்த பந்துகள் எதுவும் கோலாக மாறவில்லை. ஆட்டத்தின் 33 ஆவது நிமிடத்தில் ராய் கிருஷ்ணா கொடுத்த பாசை வில்லியம்ஸ் கோலாக மாற்றி மோகன் பேகன் அணியை முன்னிலை பெறச் செய்தார். ஆட்டத்தில் கடுமையான ஆதிக்கம் செலுத்திய மோகன் பேகன் அணிக்கு முதல் கோல் பதிவு செய்ய 31 நிமிடங்கள் தேவைப்பட்டது என்பதும் ஆச்சரியமளித்தது. மறுமுனையில் நார்த் ஈஸ்ட் அணி ஆட்டத்தில் தனது முதல் ஷாட்டை 40வது நிமிடத்தில் பதிவு செய்தது. பந்தை அதிகநேரம் தங்கள் வசம் வைத்துக் கொண்டிருந்தாலும் நார்த் ஈஸ்ட் அணியினரால் ஆட்டத்தில் எந்த ஒரு ஆதிக்கமும் செலுத்த இயலவில்லை. முதல் பாதி 1-0 என்ற கோல் கணக்கில் முடிந்தது.
இரண்டாம் பாதியில் நார்த் ஈஸ்ட் அணி சற்று தாக்குதல் நடத்தத் தொடங்கியது, ஆனாலும் மோகன் வேகன் அணியின் தடுப்பு ஆட்டம் சிறப்பாக செயல்பட்டதால் நார்த் ஈஸ்ட் அணியினரால் பெரிய அளவில் வாய்ப்புகளை ஏற்படுத்த இயலவில்லை. மும்பை அணிக்கு எதிரான சென்ற ஆட்டத்தில் மோகன் வேகன் அணியின் நட்சத்திர தடுப்பு ஆட்டக்காரரான ஜிங்கன் காயமடைந்து வெளியேறினார் இதன்காரணமாக இந்த ஆட்டத்தில் அவர் களம் இறங்கவில்லை.
இது மோகன் பேகன் அணிக்கு பெரும் பின்னடைவாக அமைந்தாலும் அணியில் தடுப்பு ஆட்டம் அட்டகாசமாக செயல்பட்டது. இரு அணி சார்பாகவும் நடத்திய தாக்குதல்கள் எதுவும் கோலாக மாறவில்லை, இரு அணிக்கும் தடுப்பு ஆட்டம் சிறப்பாக செயல்பட்டதால் பெரிய அளவில் வாய்ப்புகளும் ஏற்படுத்தவில்லை. மோகன் பேகன் அணி 1-0 என்ற கோல் கணக்கில் வெற்றியை நோக்கி பயணித்துக் கொண்டிருக்க, எதிரி அணியான நார்த் ஈஸ்ட் அணி தொடர்ந்து தாக்குதல் நடத்தி வந்தனர். இறுதிகட்டத்தில் நார்த் ஈஸ்ட் அணியின் சில்லா, கல்லேகோ, ஃபாக்ஸ் என எவர் நடத்திய தாக்குதலும் கோலாக மாறவில்லை. ஆட்டத்தின் கடைசி நிமிடத்தில் மச்சாடொ கொடுத்த கிராஸ்சை சில்லா தலையால் முட்டி கோல் அடித்து ஆட்டத்தை டிரா செய்தார்.
இரண்டு போட்டிகளாக நடைபெறும் அரையிறுதிப் போட்டியின் முதல் ஆட்டம் டிரா ஆன நிலையில், வருகின்ற ஒன்பதாம் தேதி நடைபெறவிருக்கும் இரண்டாம் போட்டியில் வெற்றி பெறுபவர்கள் இறுதிப்போட்டிக்கு முன்னேறுவார்கள்.
Mobile AppDownload Get Updated News