மேலும் இதை இதற்கென்றே பிரத்யேகமாக உண்டாக்கப்பட்ட செயலி மூலம் காணலாம் என்றும் அறிவிக்கப்பட்டது. இதனால் ரசிகர்கள் ஆர்வமாக செயலியை பதிவிறக்கம் செய்து கார் வெளியிடப்படும் நேரத்தை எதிர் நோக்கிக் காத்திருந்தனர். ஆனால் அவர்களுக்கு ஏமாற்றமே மிஞ்சியது. ஏனென்றால் வில்லியம்ஸ் அணியின் அந்த பிரத்தியேக செயலி ஹேக் செய்யப்பட்டது என்றும், அதனால் 'ஆக்மெண்டெட் ரியாலிட்டி' மூலம் புதிய காரை வெளியிட முடியவில்லை என்றும் வில்லியம்ஸ் அணி சார்பாக அறிவித்தனர். இதனால் ரசிகர்கள் ஏமாற்றம் அடைந்தனர். ஆனாலும் முன்னர் அறிவித்தவாறு இன்று வெளியிடப்பட்டது.
வில்லியம்ஸ் அணி வெளியிட்ட புதிய காருக்கு FW43B என்று பெயரிடப்பட்டுள்ளது. கடந்த சில ஆண்டுகளாக வெள்ளை நிற கார்களில் களமிறங்கிய வில்லியம்ஸ் அணி இந்த ஆண்டு நீல நிற காரில் களமிறங்குகிறது. இது சம்பந்தமாக வில்லியம்ஸ் அணியின் புதிய தலைவரான ஜோஸ்ட் கப்பிட்டோ கூறுகையில், வில்லியம்ஸ் அணியின் வரலாறு அணியின் வருங்காலத்திற்கு அருமையான உத்வேகம் கொடுக்க வேண்டும் என்ற எண்ணத்தில் வடிவமைக்கப்பட்டது என்று தெரிவித்தார்.
பார்முலா-1 கார் பந்தயத்தை 80களிலும், 90களிலும் ஆதிக்கம் செலுத்திய வில்லியம்ஸ் அணி மஞ்சள் நிறம், நீல நிறம் மற்றும் வெள்ளை நிறம் போன்ற மூன்று நிறங்களால் வடிவமைக்கப்பட்ட கார்களை பயன்படுத்தி வெற்றிகளைக் குவித்தது. அதைப்போன்று இந்த ஆண்டும் மஞ்சள், நீலம், வெள்ளை போன்ற நிறங்களால் காரை வடிவமைத்து வெளியிட்டுள்ளனர்.
துவக்க காலத்தில் ஆதிக்கம் செலுத்தி வந்த வில்லியம்ஸ் அணி கடந்த மூன்று சீசன்களாக பரிதாபமான நிலைக்கு தள்ளப்பட்டுள்ளது. குறிப்பாக சென்ற ஆண்டு ஒரு புள்ளிக்கூட பதிவு செய்யாமல் கடைசி இடத்தை பிடித்தது. வில்லியம்ஸ் அணியின் வரலாற்றில் ஒரு புள்ளி கூட பதிவு செய்யாமல் சீசனை நிறைவு செய்தது இதுவே முதல் முறை.
எனவே இந்த ஆண்டு பெரிய அளவில் காரில் மாற்றம் செய்யவில்லை என்றாலும் வருகின்ற காலங்களில் வில்லியம்ஸ் அணியின் பொற்காலத்தை பிரதிபலிக்கும் வகையில் செயல்பாடுகள் இங்கிருக்கும் என்று தெரிகிறது.
Mobile AppDownload Get Updated News