நெதர்லாந்து ஓபன்: அரையிறுதியில் அஜெய் ஜெயராம் !

அல்மேரி: நெதர்லாந்து ஓபன் பேட்மிண்டன் தொடரின் அரையிறுதிக்கு இந்தியாவின் அஜெய் ஜெயராம் தகுதி பெற்றார்.

நெதர்லாந்தின் அல்மேரியில் நெதர்லாந்து ஓபன் பேட்மிண்டன் தொடர் நடக்கிறது. இதன் ஆண்கள் ஒற்றையர் பிரிவு, காலிறுதியில் இந்தியாவின் அஜெய் ஜெயராம், பிரேசிலின் ஆலிவேரியாவை எதிர்கொண்டார்.

இதில் துவக்கம் முதல் அசத்தலான ஆட்டத்தை வெளிப்படுத்திய ஜெயராம் முதல் செட்டை, 21-15 என வென்றார். தொடர்ந்து நடந்த இரண்டாவது செட்டிலும், அசத்திய ஜெயராம், 21-18 என தன்வசப்படுத்தினார்.

முடிவில்,இந்தியாவின் அஜெய் ஜெயராம், பிரேசிலின் ஆலிவேரியாவை 21-15, 21-18 என்ற நேர் செட்களில் வீழ்த்தி, அரையிறுதிக்கு தகுதி பெற்றார். அரையிறுதியில் இவர், டென்மார்க்கின் அண்டோசென்னை எதிர்கொள்கிறார்.

இதேபோல கலப்பு இரட்டையர் பிரிவில், இந்தியாவின் பிரனவ் சோப்ரா, சிக்கி ரெட்டி ஜோடி அரையிறுதிக்கு தகுதி பெற்றது.