அதைப்போலவே இந்த ஆட்டத்திலும் துவக்கத்தில் சௌதம்ப்டன் அணியினர் தாக்குதலில் ஈடுபட்டனர், இருப்பினும் தடுப்பு ஆட்டத்தில் கவனமாகவே இருந்தனர். சௌதம்ப்டன் அணியின் வார்ட் பிரவுஸ் கார்னரில் இருந்து நேரடியாக கோலடிக்க எடுத்த முயற்சியை சரியாக கணித ஆர்சனல் அணியின் கோல் கீப்பர் லெனோ இறுதி நேரத்தில் கோல் விழாமல் தடுத்தார். அதைத்தொடர்ந்து ஆடம்ஸ் அடித்த பந்தை மீண்டும் தடுக்க ஆட்டம் 0-0 என்ற கோல் கணக்கில் நீடித்தது.
ஆட்டத்தின் 24வது நிமிடத்தில் சௌதம்ப்டன் அணியின் வாக்கர் பீட்டர்ஸ் கொடுத்த கிராஸ்ஸை ஆர்சனல் அணியின் தடுப்பு ஆட்டக்காரர் காப்ரியல் ஓன் கோல் அடித்து சௌதம்ப்டன் அணியை ஒரு கோல் முன்னிலை பெறச் செய்தார். சௌதம்ப்டன் அணி எதிர்பார்த்த ஒரு கோல் முன்னிலை அவர்களுக்கு கிடைத்த உடன் தடுப்பு ஆட்டத்தில் ஈடுபட்டனர். ஆர்சனல் அணி செய்த தாக்குதல்களை சிறப்பான முறையில் தடுத்து அதை கவுண்டர் அட்டாக் செய்தனர் சௌதம்ப்டன் அணியினர்.
முதல் பாதியில் இதன் பின் பெரிய அளவில் இரு அணிகளும் வாய்ப்பு ஏற்படுத்தாத காரணத்தால் 1-0 என்ற கோல் கணக்கில் முடிவு பெற்றது. இரண்டாம் பாதி துவங்கியதிலிருந்து ஆர்சனல் அணி தாக்குதல் ஆட்டத்தில் ஈடுபட்டது, அதை எதிர்பார்த்து காத்திருந்த சௌதம்ப்டன் அணியின் தடுப்பு ஆட்ட வீரர்கள் சிறப்பாக செயல்பட்டு ஆர்சனல் அணியின் தாக்குதல்களை செயலிழக்கச் செய்தனர். இரண்டாம் பாதியில் சௌதம்ப்டன் அணியினர் கவுண்டர் அட்டாக் செய்யாத வண்ணம் ஆர்சனல் அணியின் தடுப்பு ஆட்டம் மிக சிறப்பாக அமைந்தது.
ஆர்சனல் அணியின் தடுப்பு ஆட்டம் சிறப்பாக செயல்பட்டதால் அவர்களது தாக்குதல் ஆட்டம் கோல் அடிப்பதில் மட்டும் கவனம் செலுத்தி வந்தது, ஆனாலும் சௌதம்ப்டன் அணியின் தடுப்பு ஆட்டத்தை மீறி பெரிய அளவில் வாய்ப்புகளை ஏற்படுத்த முடியாமல் தவித்தனர். குறிப்பாக ஆர்சனல் அணியின் ஸ்ட்ரைக்கரான என்கேத்தியா கிடைத்த வாய்ப்புகளை நழுவவிட ஆட்டத்தை சௌதம்ப்டன் 1-0 என்ற கோல் கணக்கில் வெற்றி பெற்றது. சென்ற ஆண்டு கோப்பையை வென்ற ஆர்சனல் அணி இந்த ஆண்டு நான்காம் சுற்றிலேயே வெளியேறியது குறிப்பிடத்தக்கது.
Mobile AppDownload Get Updated News