ஆஸ்திரேலியன் கிராண்ட் பிரிக்ஸ் ஒத்திவைப்பு: ஃபார்முலா 1 ஒரு வாரம் தாமதமாக துவக்கம்!

மார்ச் மாதம் 21ஆம் தேதி நடக்கவிருந்த ஆஸ்திரேலியன் கிராண்ட் பிரிக்ஸ் நவம்பர் மாதம் 21ஆம் தேதி மாற்றப்பட்டுள்ளது. இதனால் மார்ச் மாதம் 21ஆம் தேதி துவங்க இருந்த புதிய சீசன் இப்பொழுது மார்ச் மாதம் 28ஆம் தேதி நடைபெற உள்ள பெஹ்ரைன் கிராண்ட் பிரிக்ஸ் மூலம் துவங்கும் என அறிவிக்கப்பட்டுள்ளது.

மேலும் சீன நாட்டில் ஆண்டுதோறும் நடைபெறும் சைனீஸ் கிராண்ட் பிரிக்ஸ் இந்த ஆண்டு கொரோனா காரணமாக இன்னும் அதற்கான தேதி அறிவிக்கப்படவில்லை. இந்த ஆண்டு மீண்டும் இத்தாலி நாட்டின் இமோலா பந்தையத்தடதில் நடைபெறும் என்றும் அறிவிக்கப்பட்டுள்ளது.

2006ஆம் ஆண்டு கடைசியாக அங்கு போட்டி நடைபெற்றது, ஆனால் சென்ற ஆண்டு கொரோனா காரணமாக ரத்து செய்யப்பட்ட போட்டியை ஈடு செய்வதற்காக இமோலா பந்தயத்தடத்தில் போட்டிகள் நடைபெற்றது. மீண்டும் இந்தாண்டு நடைபெறும் என்று அறிவிப்பு வெளியானதும் சமூக வலைதளங்களில் ரசிகர்கள் தங்கள் மகிழ்ச்சியை வெளிப்படுத்தினர்.

செப்டம்பர் மாதம் 12ஆம் தேதி இத்தாலியன் கிராண்ட் பிரிக்ஸ் நடைபெறும், இதனால் இந்த ஆண்டு இத்தாலியில் இரண்டு முறை போட்டி நடைபெறுவதால் இத்தாலியை சேர்ந்த ரசிகர்கள் ஆனந்தத்தில் ஆழ்துள்ளனர். மே மாதம் 2ஆம் தேதி போட்டி நடைபெறும் என்று அறிவிப்பு வெளியாகியுள்ளது. ஆனால் எங்கு நடைபெறும் என்பது விரைவில் அறிவிக்கப்படும் என்று ஃபார்முலா 1 சார்பாக அறிவிப்பு வெளியாகியுள்ளது.

டோட்டன்ஹாம் அணிக்கு விளையாட நேரிட்டால்? மெசுட் ஓசில் பரபரப்பு பதில்!

கொரோனா காரணமாக ஆஸ்திரேலியன் கிராண்ட் பிரிக்ஸ் ஒத்திவைத்தது போல சீனா கிராண்ட் பிரிக்ஸ் நடைபெறுவதற்கான முயற்சிகள் எடுக்கப்பட்டு வருகின்றன என்று ஃபார்முலா 1 சார்பாக கூறப்பட்டுள்ளது, மேலும் இந்த ஆண்டு 23 போட்டிகள் நிச்சயம் நடைபெறும் என்று உறுதியளிக்கப்பட்டுள்ளது