டிராவில் முடிந்த பெங்களூரு - நார்த் ஈஸ்ட் ஆட்டம்.. விறுவிறுப்பான ஆட்டம் வெற்றி தோல்வி இன்றி முடிந்ததால் ரசிகர்கள் ஏமாற்றம்!

இந்தியன் சூப்பர் லீகின் 56வது ஆட்டத்தில் பெங்களூரு அணியும், நார்த் ஈஸ்ட் யுனைடெட் அணியும் மோதின. இதில் வெற்றி பெறும் பட்சத்தில் பெங்களூரு அணி பிளேஆஃப் ஸ்பாட்டிற்க்கு முன்னேறும். இதனால் பெங்களூரு அணி பந்தை தன்வசம் அதிகம் வைத்துக்கொண்டு விளையாட்டை துவங்கினர்.

பந்தை வைத்து ஆதிக்கம் செலுத்தியது பெங்களூரு அணியாக இருந்தாலும், நார்த் ஈஸ்ட் அணியினர் தொடர்ந்து கவுண்டர் அட்டாக் மூலம் பெங்களூரு அணிக்கு பயம் உண்டாக்கி வந்தனர். இதன் விளைவாக 27வது நிமிடத்தில் கள்ளேகோ அடித்த ஷாட் முற்றிலும் தவறுதலாக அவர் காலில் பட்டு மச்சாடோவின் கால்களுக்கு வர அதை அருமையாக கோலாக மாற்ற நார்த் ஈஸ்ட் யுனைடெட் 1-0 என்ற கோல் கணக்கில் முன்னிலை பெற்றது.


முதல் பாதி முடிவில் கொடுக்கப்பட்ட கூடுதல் நேரத்தில் பெங்களூரு அணியை சேர்ந்த களைடன் சில்வா கால்களுக்கு வந்த பந்தை வாலி அடிக்க அதை அற்புதமாக நார்த் ஈஸ்ட் யுனைடெட் அணியின் கோல் கீப்பர் அருமையாக தடுக்க முதல் பாதியின் முடிவில் 1-0 என்று முடிவடைந்தது.

இரண்டாம் பாதியின் துவக்கத்திலேயே நார்த் ஈஸ்ட் அணிக்கு அதிர்ச்சி அளிக்கும் வகையில் 50வது நிமிடத்தில் ராகுல் அடித்த ஷாட் நார்த் ஈஸ்ட் யுனைடெட் அணியின் கோல் கீபரை நோக்கி செல்ல அதை தவரவிட்டார். அப்பந்து கோலாக மாறியது.


இதனால் 1-1 என்ற கோல் கணக்கில் தொடர்ந்து ஆடிய இரு அணிகளும் இறுதி வரை கோல் எதுவும் அடிக்காமல் 1-1 என்று ஆட்டம் முடிந்தது. டிராவில் முடிந்ததால் இரு அணிகளும் புள்ளி பட்டியலில் முன்னேற்றம் இன்றி அதே இடத்தில் தொடர்கிறது.