இரு அணிகளுக்கும் இடையே நடைபெறும் போட்டிகளில் எப்பொழுதும் அனல் பறக்கும். இரு ரசிகர்களுக்கும் இடையே அவ்வப்போது மோதல்களும் ஏற்படும். ஆர்செனலுக்கு மரியாதை செலுத்தும் வகையில், இவர் இப்படி கூறியது ரசிகர்களை நெகிழச் செய்தது. துருக்கி நாட்டை சேர்ந்த பெனர்பாசே அணிக்கு ஒப்பந்தம் ஆவார் என எதிர்பார்க்கப்பட்ட நிலையில் ஒரு ரசிகர் 'பெனர்பாசே உங்களுக்கு ஏன் பிடிக்கும்' என்று கேள்வி எழுப்பினார்.
அதற்கு 'துருக்கியை பூர்வீகமாக கொண்ட ஜெர்மானியர்கள் ஒரு துருக்கி நாட்டை சேர்ந்த அணியின் மீது பற்றுதலாய் இருப்பார்கள். அதுபோல தான் நான் பெனர்பாசே மீது பற்றுதலாய் உள்ளேன்' என்று கூறினார். இது இவர் பெனர்பாசே செல்வார் என்ற விமர்சனங்களுக்கு மேலும் ஒரு ஆதாரமாக அமைந்துள்ளது.
'அடுத்ததாக எங்கு விளையாடுவீர்கள்' என்ற கேள்விக்கு அமெரிக்கா கொடி மற்றும் துருக்கி நாட்டு கொடியை விடையாக கூறி அதுவும் துருக்கி நாட்டிற்கு சென்றால் அது பெனர்பாசேயாக தான் இருக்கும் என்று கூறினார். இதுவும் அந்த விமர்சனத்திற்கு பதிலாக அமைந்தது. ஓசிலின் அடுத்த அணி என்ன என்பது விரைவில் தெரியவரும்.
ஆர்செனல் அணியில் ஓசிலுக்கு பதிலாக விளையாடும் எமிலி ஸ்மித் ரோ -வை பற்றிய கேள்விக்கு, 'கடந்த இரு ஆட்டங்களில் அவர் தாக்குதல் நடுகள வீரராக (No.10/Attacking midfielder) விளையாடி, இன்றும் அதன் முக்கியத்துவத்தை எடுத்துரைத்துள்ளார்' என்று கூறினார். ஓசில் விட்டுச் செல்லும் இடத்தை ஸ்மித் ரோ பூர்த்தி செய்வார் என்று அவரே கூறியுள்ளார்.
Mobile AppDownload Get Updated News