ரொனால்டோ சாதனையை முறியடித்த மெஸ்ஸி!

கால்பந்து உலகத்தின் இரண்டு ஏகச்சிறந்த ஆட்டக்காரர்களான மெஸ்ஸி, ரொனால்டோ ஆண்டுதோறும் புதிய சாதனைகளை படைத்தும், ஒருவர் சாதனையை ஒருவர் முறியடித்தும் வருகின்றனர்.

இந்நிலையில் நேற்றிரவு ரொனால்டோவின் ஃப்ரீ கிக் சாதனையை முறியடித்துள்ளார் மெஸ்ஸி. போட்ஸ்மௌத்திர்க்கு எதிராக 2008ஆம் ஆண்டு ரொனால்டோ அடித்த ஃப்ரீ கிக்கை நம்மால் எழிதில் மறந்துவிடமுடியாது.

அதே போல லிவர்பூல் எதிராக மெஸ்ஸியின் ஃப்ரீ கிக்கும் இன்று பார்த்தாலும் தேகம் சிலிர்க்கும். இருவரும் ஃப்ரீ கிக் எடுப்பதில் ஜாம்பவான்கள். 2015ஆம் ஆண்டு மெஸ்ஸி அடிக்கும் ஃப்ரீ கிக் முறையை மாற்றினார். அதிலிருந்து அவர் அடிக்கும் ஃப்ரீ கிக் ஒவ்வொன்றும் படுபயங்கரமாக கோலாக மாற தொடங்கியது. இந்த சமயத்தில் ரொனால்டோ அடிக்கும் ஃப்ரீ கிக் 2014க்கு பின் வீரியம் குறைந்து காணப்பட்டது.

ஒரு முனையில் மெஸ்ஸி சீசனுக்கு ஐந்து, ஆறு, எழு என ஃப்ரீ கிக் மூலம் கோல் குவிக்க, மறுமுனையில் ரொனால்டோ ஒன்று, இரண்டு என்று போராடிக்கொண்டிருந்தார். அதுவம் 2018-19 சீசனில் ஒரு ஃப்ரீ கிக் கோல் கூட பதிவு செய்யவில்லை.

டெலெஸ், டியர்னி அட்டகாசம்: அடுத்த சுற்றுக்கு முன்னேறிய யுனைடெட், ஆர்சனல்!

இதனால் விரைவில் மெஸ்ஸி ரொனால்டோவின் சாதனையை முறியடிப்பார் என்று எதிர்பார்த்த நிலையில் நேற்று கிரானாடாவிர்க்கு எதிராக கிடைத்த ஃப்ரீ கிக்கை மெஸ்ஸி கோலாக மாற்ற கிளப் போட்டிகளில் தனது 48வது ஃப்ரீ கிக் கோலாக அது அமைந்தது. இதன்மூலம் ரொனால்டோவின் 47 கிளப் ஃப்ரீ கிக் கோல் சாதனையை முறியடித்தார். இதனை மெஸ்ஸி ரசிகர்கள் கொண்டாடி வருகின்றனர்.