அதைத் தொடர்ந்து டெலஸ் அடித்த கார்னரை தலையால் முட்டி கோல் ஆக்கினார் அணியின் கேப்டன் ஸ்காட் மெக்டாமினே. தொடர்ந்து அணியின் இடது பக்கத்திலிருந்து டெலெஸ் கொடுத்த ஒவ்வொரு கிராசும் பெனால்டி பாக்சில் நிற்கும் அவரது அணியினரை சரியாக வந்து சேர்ந்தது. இருப்பினும் அதை ஒருவராலும் கோலாக மாற்ற முடியவில்லை. இதனால் ஆட்டம் 1-0 என்ற கோல் கணக்கில் முடிவடைந்தது.
சமீபத்தில் காயத்தில் இருந்து மீண்டு வந்த பெய்லி மீண்டும் இந்த ஆட்டத்தில் காயம் அடைந்தார். இதனால் அவர் அடுத்த வாரம் லிவர்பூல்லுடனான போட்டியில் ஆடுவது சந்தேகம்தான். இது அணிக்கு பின்னடைவே. மற்றொரு ஆட்டத்தில் நியூ காசில் அணியை எதிர்கொண்டது ஆர்சனல் அணி. ஆர்சனல் அணியில் இடம்பெற்ற பெரிதும் எதிர்பார்க்கப்பட்ட இளம் வீரர் மார்டினெல்லி காயத்தின் காரணமாக கடைசி நிமிடத்தில் வெளியேறினார்.
இது ரசிகர்களை பெரும் அதிருப்தியில் ஆழ்த்தியது. இரு அணிகளும் கிடைத்த பல வாய்ப்புகளை நழுவவிட்டது. குறிப்பாக ஆர்சனல் அணியின் இடது பின்கள வீரரான டியர்னி ஆட்டம் முழுவதும் அருமையாக கிராஸ் கொடுக்க அதை வீணடித்தனர் தாக்குதல் வீரர்கள். நியூ காசில் அணியின் அதிரடி தாக்குதல் ஆட்டக்காரர் ஆண்டி காரொல் இரு சுலபமான வாய்ப்புகளை நழுவ விட நிர்ணயிக்கப்பட்ட 90 நிமிடங்களில் இரு அணிகளும் கோலின்றி 0-0 என்றிருந்தன.
இதனால் கூடுதல் 30 நிமிடங்கள் வழங்கப்பட்டன. ஆட்டத்தின் 107வது நிமிடத்தில் எமிலி ஸ்மித்ரோ கோல் அடிக்க ஆர்சனல் 1-0 என்று முன்னிலை பெற்றது. தொடர்ந்து தாக்குதலில் ஈடுபட்ட ஆர்சனலின் அபமேயங் இறுதியாக டியர்னி கொடுத்த கிராசை கோலாக மாற்றி 2-0 என்ற கோல்கணக்கில் வெற்றி பெற்றது ஆர்சனல். இந்த ஆட்டத்தில் டியர்னி கொடுத்த 11 கிராசில் ஒன்றே ஒன்று மாத்திரம் கோலாக மாற்றப்பட்டது.
Mobile AppDownload Get Updated News