குறிப்பாக ஜோயல் மாட்டிக் அடிக்கடி காயம் காரணமாக அணியில் இடம்பெறாமல் போவார் அதற்கு பதிலாக நடுக்கள வீரரான பாபிநோ தடுப்பு ஆட்டத்தில் ஈடுபடுவார். கொஞ்சம் நாள் பிரச்சனை எதுவும் இல்லாமல் சென்று கொண்டிருக்க எப்பொழுதும் போல மாட்டுப் காயமடைந்தார் அதைத்தொடர்ந்து மற்றொரு தடுப்பு ஆட்டக்காரரான கோமசும் காயம் அடைய தடுப்பு ஆட்டத்தில் போதிய வீரர்கள் இல்லாமல் போனது.
இதனால் இரண்டாம் நிலை மூன்றாம் நிலை ஆட்டக்காரர்களான ரைஸ் வில்லியம்ஸ், நத்தானியேல் பிலிப் என இருவரையும் பாபின்னோவுக்கு கூட்டாக மாறி மாறி களமிறங்கினார் லிவர்பூல் அணியின் மேலாளர் ஜூர்கன் கிளாப். எத்தனை நாளைக்கு இதை வைத்து சமாளிக்க முடியும் என்பது தெரியவில்லை, சென்ற ஆண்டு நடைபெற்ற 38 ஆட்டங்களில் 33 கோல் கொடுத்த லிவர்பூல் அணி இம்முறை நடந்து முடிந்த 17 ஆட்டங்களில் 21 கொடுத்துள்ளது.
கிலாட்பேக் கொடுத்த கம்பேக்: உருக்குலைந்த பேயர்ன் தடுப்பாட்ட வீரர்கள்!
லிவர்பூல் அணியில் தடுப்பாட்டம் சிறப்பாக இல்லாத காரணத்தால் தாக்குதலில் ஈடுபடும் வீரர்களால் சுதந்திரமாகவும் தைரியமாகவும் முன்னேறி செல்ல முடியாமல் சற்று திணறுகின்றனர்.
சென்ற ஆண்டு போலில்லாமல் இந்த ஆண்டு சிறிய அணிகள் தங்களை கடுமையாக பலப்படுத்தி பெரிய அணிகளுக்கு தொடர்ந்து அழுத்தம் கொடுத்து வருகின்றனர்.
இதனால் சென்றமுறை போல அவ்வளவு எளிதாக சிறு அணிகளை வீழ்த்திவிட முடியாது. மட்டுமல்லாமல் லிவர்பூல் அணி விளையாடிய கடைசி மூன்று ஆட்டங்களில் ஒரு வெற்றியை கூட பதிவு செய்யவில்லை இதன் காரணமாக மான்செஸ்டர் யுனைட்டட் உடனான அடுத்த போட்டியில் தோல்வியுற்றால் தாங்கள் இருக்கும் முதலிடத்தை பறி கொடுக்க நேரிடும். லிவர்பூல் அணியின் தடுப்பாட்டத்தில் இருக்கும் குறைகள் ஒட்டுமொத்த அணியின் வேகத்தை பல மடங்கு குறைத்துள்ளது.
ஜனவரி மாதத்தில் ஒரு தடுப்பாட்டக்காரரை வாங்காமல் விட்டால் லிவர்பூல் அணி அடுத்து வரும் ஆட்டங்களில் நிச்சயமாக திணறுவார்கள் என்பதில் சந்தேகமில்லை. அவர்கள் கைகளில் இருக்கும் கோப்பை நழுவாமல் இருக்க வேண்டுமென்றால் ஜனவரி மாதத்தில் நிச்சயமாக ஒரு தடுப்பாட்டக்காரரை வாங்கியாக வேண்டும்.
கோடைகால சந்தை போலில்லாமல் ஜனவரி மாதத்தில் வீரர்களை வாங்குவது அத்தனை எளிதல்ல ஏனெனில் எந்த ஒரு அணியும் சீசனின் பாதியில் தங்கள் வீரரை இழக்க விரும்ப மாட்டார்கள் எனினும் அணியிலிருந்து வீரர்கள் வெளியே வர ஆவலாக இருப்பார்கள் அவர்களைப் போன்ற வீரர்களின் எளிதாக வாங்கி விடலாம். ஜனவரி மாத சந்தையில் லிவர்பூலின் செயல்பாடுகளை வைத்து லிவர்பூலின் விதி எழுதப்படும்.
Mobile AppDownload Get Updated News