தொடர்ச்சியாக மூன்று ஆட்டங்களில் தோல்வி அடைந்த பெங்களூரு அணி வென்றாகவேண்டும் என்ற வெறியுடன் களமிறங்க மறுபக்கம் தொடர்ச்சியாக நான்கு ஆட்டங்களில் தோல்வியடையாத ஈஸ்ட் பெங்கால் அணி சூட்டுடன் களமிறங்கியது.
ஆட்டத்தின் முதல் பாதியின் துவக்கத்தில் ஆதிக்கம் செலுத்திய ஈஸ்ட் பெங்கால் அணி 20ஆவது நிமிடத்தில் முதல் கோல் அடித்தது. நாராயண் தாஸ் கொடுத்த கிராசை தனது வலதுகாலின் வெளிபக்கத்தைவைத்து கோலடித்தார். ஈஸ்ட் பெங்கால் அணியை சேர்ந்த பிரைட் கொடுத்த பல கிராசை கோலாக மாற்ற ஒருவரும் இல்லாதது அவருக்கு ஏமாற்றமாக அமைந்தது.
முதல் பாதியில் பெங்களூரு அணி பெரிய அளவில் வாய்ப்புகள் ஏற்படுத்த முடியாமலும் ஏற்படுத்திய வாய்ப்புகளை கோலாக மாற்ற முடியாமலும் தவித்தனர்.
இரண்டாம் பாதியில் கிடைத்த வாய்ப்புகளை இரண்டு முறை தவறவிட்டார் சுனில் சேத்ரி. ஈஸ்ட் பெங்கால் அணியின் கோல் கீப்பர் தெப்ஜிட் கோலை நோக்கி அடிக்கப்பட்ட பந்துகளை பாய்ந்து பாய்ந்து பிடிக்க பெங்களூரு அணியால் ஒரு கோல் கூட அடிக்க இயலவில்லை.
கடுமையான தாக்குதல் ஆட்டத்தில் ஈடுபட்ட பெங்களூரு அணிக்கு எதிராக இரண்டு முறை கவுண்டர் அட்டாக் வாய்ப்பை தவறவிட்டது. இதனால் 1-0 என்று ஈஸ்ட் பெங்கால் வெற்றி பெற்றது. இதன் மூலம் பெங்களூரு அணி விளையாடிய கடைசி நான்கு ஆட்டங்களில் தோல்வியை சந்தித்துள்ளது, இந்த நான்கு ஆட்டங்களில் சேர்த்து மொத்தம் ஒரு கோல் மட்டுமே பதிவு செய்துள்ளது.
Mobile AppDownload Get Updated News