பிரான்ஸின் பாரீஸில் கிராண்ட்ஸ்லாம் டென்னிஸ் தொடரான பிரெஞ்சு ஓபன் டென்னிஸ் தொடர் நடக்கிறது. இதன் பெண்கள் ஒற்றையர் பிரிவு முதல் சுற்றில் ஜெர்மனியின் முன்னணி டென்னிஸ் வீராங்கனையான ஏஞ்சலிக் கெர்பர், உலகின் 81வது நிலை வீராங்கனையான ரஷ்யாவின் அனஸ்தாஸ்தியா போடாபோவாவை எதிர்கொண்டார்.
இதில் துவக்கம் முதல் கெர்பர் சொதப்பலான ஆட்டத்தை வெளிப்பட்டுத்தினார். முதல் செட்டை 4-6 என கோட்டைவிட்ட கெர்பர், தொடர்ந்து நடந்த இரண்டாவது செட்டையும் 2-6 என இழந்தார்.
இறுதியில், ஜெர்மனியின் கெர்பர், ரஷ்யாவின் போடாபோவாவிடம் 4-6, 2-6 என்ற செட்களில் தோல்வியடைந்து வெளியேறினார்.
இதே போல ஆண்கள் ஒற்றையர் பிரிவில் இந்தியாவின் குன்னேஸ்வரன், பொலிவியாவி ஹூகோ டெல்லினிடம் 1-6, 3-6, 1-6 என்ற செட்களில் தோல்வியடைந்து வெளியேறினார்.
பெடரர் அபாரம்:
மற்றொரு ஆண்கள் ஒற்றையர் பிரிவில் சுவிட்சர்லாந்தின் நட்சத்திர வீரரான ரோஜர் பெடரர், இத்தாலியில் லாரென்சோ சோனிகோவை 6-2, 6-4, 6-4 என்ற செட்களில் வீழ்த்தி இரண்டாவது சுற்றுக்கு முன்னேறினார்.
Mobile AppDownload Get Updated News