ஜெர்மனியின் முனிச் நகரில் மூன்றாவது சர்வதேச துப்பாக்கி சுடுதல் உலகக்கோப்பை நடக்கிறது. இதன் பெண்கள் 10 மீ., ஏர் ரைபிள் பிரிவில் ஜெய்ப்பூரைச் சேர்ந்த அபூர்வி சண்டிலா இந்தியா சார்பில் பங்கேற்றார்.
கடும் போட்டி:
இதன் ஃபைனலில் மொத்தமாக 251 புள்ளிகள் பெற்ற சண்டிலா தங்கப்பதக்கம் வென்று அசத்தினார். சீனாவின் வாங் லுயா 250.8 புள்ளிகள் பெற்று இரண்டாவது இடம் பிடித்து வெள்ளிப்பதக்கம் வென்றார். மற்றொரு சீன வீராங்கனை சூ ஹாங், 229.4 புள்ளிகள் பெற்று வெண்கலப்பதக்கம் கைப்பற்றினார்.
இதன் மூலம் உலகக்கோப்பை துப்பாக்கி சுடுதலில் அபூர்வி இரண்டாவது தங்கப்பதக்கம் வென்று அசத்தினார். முன்னதால கடந்த பிப்ரவரி மாதம் டெல்லியில் நடந்த உலகக்கோப்பையில் உலக சாதனையுடன் அபூர்வி தங்கப்பதக்கம் வென்று சாதித்தார்.
* தவிர, இந்த பதக்கம் அபூர்வி வெல்லும் நான்காவது உலகக்கோப்பை பதக்கமாகும்.
Mobile AppDownload Get Updated News