மீண்டும் ‘ஃபார்முலா-1’ கார் பந்தயத்தில் வருகிறது அதிவேக ‘லேப்’ போனஸ் புள்ளிகள்!

பாரீஸ்: ஃபார்முலா-1 கார் பந்தயத்தில் அதிவேக ‘லேப்’பிற்கான போனஸ் புள்ளிகளை மீண்டும் அறிமுகப்படுத்தப்படவுள்ளதாக நிறுவனர்கள் தெரிவித்துள்ளனர்.

உலகின் பல்வேறு நாடுகளில் ஆண்டுதோறும் ஃபார்முலா-1 கார்பந்தயம் நடப்பது வழக்கம். கடந்த ஆண்டில் இத்தொடர் மொத்தம் 21 சுற்றுகளாக நடந்தது. இநிந்லையில் இந்த கார் பந்தயத்தில் அதிவேகமான ‘லேப்’பிற்கான போனஸ் புள்ளிகள் கடந்த 1950-1959 ஆண்டில் வழங்கப்பட்டது.

‘டாப்-10’ வீரர்கள்.....
ஆனால் சாம்பியன்ஷிப் பட்டியலில் ‘டாப்-10’ பட்டியலில் உள்ள வீரர்களுக்கு மட்டும் இந்த கூடுதல் புள்ளிகள் வழங்கப்பட்டது. அதே போல 1958ல் இந்த கூடுதல் புள்ளிகள் ‘டாப்-5’ வீரர்களுக்கு மட்டும் வழங்கப்பட்டது. அதனால் மைக் ஹாவ்த்ரான் என்ற வீரர் ஸ்டெர்லிங் மோஸ்
என்ற வீரரை வெறும் 1 புள்ளியில் வென்றார்.

மீண்டும் அமல்:
ஆனால் அதன் பின் இந்த அதிவேக லேப்பிற்கான புள்ளிகள் முறை நீக்கப்பட்டது. இந்நிலையில் ஃபார்முலா-1 நிறுவனக்குழுவினர் ஓட்டெடுப்பு முறையில் மீண்டும் இந்த லேப் புள்ளிகளை அமல்ப்படுத்த திட்டமிட்டுள்ளனர். இந்த புள்ளிகள் முறை வரும் மெல்போர்ன் பந்தயம் முதல் அமல்படுத்தப்படும் என தெரிவிக்கப்பட்டுள்ளது.
எத்தனை புள்ளிகள்:
தற்போது ‘ஃபார்முலா-1’ கார் பந்தயத்தில் பங்கேற்கும் வீரர்களுக்கு 25, 18,15,12, 10,8,6,4,2 மற்றும் 1 புள்ளிகள் என வழங்கப்படுகிறது.