ஆசிய சாம்பியனான கத்தார்: ஜப்பானை வீழ்த்தி அசத்தல்!

அபுதாபி: ஆசிய கோப்பை கால்பந்து ஃபைனலில் ஜப்பான் அணியை வீழ்த்திய கத்தார் அணி சாம்பியன் பட்டம் வென்றது.

ஐக்கிய அரபு எமிரேட்ஸில் ஆசியன் கோப்பை கால்பந்து (ஏஎஃப்சி) தொடர் நடந்தது. இதில் இந்த ஆண்டு16 அணிகளில் இருந்து 24 அணியாக அதிகரிக்கப்பட்டது.
நாக் அவுட் போட்டிகளின் முடிவில், அரையிறுதிக்கு, ஈரான், ஜப்பான், கத்தார், யு.ஏ.இ., அணிகள் அரையிறுதிக்கு முன்னேறியது. இதில் ஜப்பான், கத்தார் அணிகள் ஃபைனலுக்கு முன்னேறியது.

இந்நிலையில் அபுதாபியில் நடந்த ஃபைனலில், கத்தார் அணி, ஜப்பான் அணியை எதிர் கொண்டது. இதில் துவக்கம் முதல் அசத்திய கத்தார் அணிக்கு அலி (12வது நிமிடம்), ஹதீம் (27), அபிப் (83)ஆகியோர் கோல் அடித்தனர்.
இதற்கு ஜப்பான் அணிக்கு மினாமினோ ஒரு கோல் மட்டும் அடித்தார். இறுதியில் கத்தார் அணி 3-1 என்ற கோல் கணக்கில் வெற்றி சாம்பியன் கோப்பையை கைப்பற்றியது.