முதல் வெற்றியை பதிவு செய்தது இந்திய மகளிா் ஹாக்கி அணி

ஸ்பெயினில் சுற்றுப்பயணம் மேற்கொண்டுள்ள இந்திய மகளிா் ஹாக்கி அணி அந்நாட்டு அணியை 2-3 என்ற கோல் கணக்கில் வீழ்த்தி தனது முதல் வெற்றியை பதிவு செய்தது.

ஸ்பெயினில் சுற்றுப்பயணம் மேற்கொண்டுள்ள இந்தியா மகளிா் ஹாக்கி அணி அந்நாட்டு அணியுடன் 5 போட்டிகள் கொண்ட தொடரில் விளையாடி வருகிறது. இந்நிலையில் தொடரின் 3வது போட்டி நேற்று (வெள்ளிக் கிழமை) நடைபெற்றது. ஆட்டம் தொடங்கிய சில நிமிடங்களிலேயே ஸ்பெயின் அணி தங்களுக்கு கிடைத்த பெனால்ட்டி வாய்ப்பை சிறப்பாக பயன்படுத்திக் கொண்டது.

ஆட்டம் தொடங்கிய 3வது நிமிடத்திலேயே அந்த அணி அடுத்தடுத்து 2 கோல்களை அடித்தது. தொடா்ந்து போராடிய இந்திய அணி 28வது நிமிடத்தில் குர்ஜித் கவுா் அணியின் முதல் கோலை பதிவு செய்தாா். அவரைத் தொடா்ந்து லல்ரேம்ஷியாமி 32வது நிமிடத்தில் அடுத்த கோல் அடித்தாா். ஆட்டத்தின் முதல் பாதியில் இரு அணிகளும் 2-2 என்ற கோல் கணக்கில் சமநிலை பெற்றிருந்தன.

இதனைத் தொடா்ந்து நடைபெற்ற இரண்டாவது பாதி ஆட்டத்தில் இருஅணி வீராங்கணைகளும் கோல் அடிக்கும் முயற்சியில் தீவிரம் காட்டினா். ஆட்டத்தின் 59வது நிமிடத்தில் இந்தியா அணியின் ராணி ஒரு கோல் அடிக்க 3-2 என்ற கோல் கணக்கில் இந்திய அணி முன்னிலை பெற்றது. தொடா்ந்து ஸ்பெயின் அணியால் கோல் அடிக்க முடியவில்லை. இதனால் இந்திய அணி 3-2 என்ற கோல் கணக்கில் வெற்றி பெற்றது.

5 போட்டிகள் தொடரில் ஸ்பெயின் அணி 2-1 என்ற புள்ளிகள் கணக்கில் முன்னிலை வகிக்கிறது. இரு அணிகள் மோதும் 4வது போட்டி இந்திய நேரப்படி சனிக்கிழமை இரவு 11 மணிக்கு நடைபெறுகிறது.