உடுமலை எஸ்.வி மில் மைதானத்தில் சனி மற்றும் ஞாயிற்றுக் கிழமையில் ஹாக்கி போட்டி நடைபெற்றது. கோவை, நாமக்கல், கோவில்பட்டி, பொள்ளாச்சி, உடுமலை, திருப்பூர் ஆகிய பகுதிகளைச் சேர்ந்த 16 அணிகள் இந்த போட்டியில் கலந்து கொண்டன.
லீக் முறையில் போட்டிகள் நடைபெற்றன. இப்போட்டிகளை ஹாக்கி சங்கத் தலைவர் டாக்டர் கே.ராஜபாலன் தொடங்கிவைத்தார்.
இறுதிப் போட்டி ஞாயிற்றுக்கிழமை நடைபெற்றது. இதில், உடுமலை துரைசாமி மெமோரியல் ஹாக்கி கிளப் அணியும், கோவை இன்விக்டஸ் ஹாக்கி அணியும் மோதின. இதில், 2-1 என்ற கோல் கணக்கில் உடுமலை துரைசாமி மெமோரியல் ஹாக்கி கிளப் அணி, கோவை இன்விக்டஸ் ஹாக்கி கிளப் அணியை தோற்கடித்து சாம்பியன் பட்டம் பெற்றது.
இந்த அணிக்கு கோப்பை மற்றும் ரொக்கப் பரிசு வழங்கப்பட்டது. இரண்டாவது இடம் பெற்ற கோவை இன்விக்டஸ் ஹாக்கி அணிக்கு கோப்பையும், மூன்றாவது இடத்தை பிடித்த கோவை ராம்கி ஹாக்கி கிளப் அணிக்கு பரிசும் வழங்கப்பட்டன.
Mobile AppDownload Get Updated News