கொரிய பேட்மிண்டன் வீரர் ஜங் ஜே சுங் திடீர் மரணம்

தென் கொரியாவைச் சேர்ந்த பேட்மிண்டன் வீரர் ஜங் ஜே சுங் மாரடைப்பால் மரணமடைந்துள்ளார்.

தென் கொரியாவைச் சேர்ந்த முன்னாள் பேட்மிண்டன் வீரர் ஜங் ஜே சுங் இங்கிலாந்து சூப்பர் சீரீஸ் தொடரில் இரு முறையும் கொரிய ஓபன் தொடரில் மும்முறையும் சாம்பியன் பட்டம் பெற்றவர்.

இளம் வயதிலேயே சிறப்பாக ஆடி அனைவரது கவனத்தையும் கவர்ந்த ஜங் 35 வயதில் இன்று மாரடைப்பால் உயரிழந்துள்ளார்.

இவருக்கு உலகம் முழுவதும் உள்ள பேட்மிண்டன் வீரர்களும் ரசிகர்களும் இரங்கல் தெரிவித்து வருகின்றனர்.

ஆசிய விளையாட்டுப் போட்டிகயிலும் 2012 லண்டன் ஒலிம்பிக் போட்டியிலும் வெண்கலப் பதக்கம் பெற்ற பெருமைக்குரியவர். 2009ஆம் ஆண்டு இரட்டையர் பிரிவில் உலகின் நம்பர் 1 இடத்தை ஜங் வசப்படுத்தினார். அப்போதே சர்வதேச பேண்ட்மிண்டனிலிருந்து ஓய்வையும் அறிவித்தார்.