129 இல் தொடங்கி 105 இல் முடித்த இந்திய கால்பந்து அணி!

சர்வதேச கால்பந்து அணிகளின் தரவரிசையில் இந்திய அணி 105வது இடத்தைப் பிடித்துள்ளது.

2017 ஆம் ஆண்டு இந்திய கால்பந்திற்கு மிகவும் சிறப்பாக அமைந்தது என்றால் மிகையாகாது. யு17 உலகக்கோப்பையை நடத்தியது, தரவரிசையில் 100 இடங்களுக்குள் சென்றது என பல சாதனைகளை இந்திய கால்பந்து இந்த ஆண்டு நிகழ்த்திக் காட்டியுள்ளது.

2017 ஆம் ஆண்டின் தொடக்கத்தில் 129வது இடத்தில் இருந்த இந்திய அணி, தற்போது ஆண்டின் இறுதியில் 105வது இடத்திற்கு முன்னேறியுள்ளது. அதிலும், இந்த ஆண்டில் ஒரு கட்டத்தில் 96வது இடம் வரை சென்றது என்பது குறிப்பிடத்தக்கது.

இந்த ஆண்டின் முடிவில் சர்வதேச கால்பந்து அணிகளின் தரவரிசையில் ஜெர்மனி முதலிடத்திலும், பிரேசில் இரண்டாம் இடத்திலும், போர்ச்சுகல் மூன்றாவது இடத்திலும் உள்ளன.