நெய்மர், ரொனால்டோ, மெஸ்சி: யாருக்கு சிறந்த வீரர் விருது?

சர்வதேச கால்பந்து சங்கங்களின் கூட்டமைப்பு (FIFA) வழங்கும் இந்த ஆண்டுக்கான சிறந்த கால்பந்து வீரர் விருதுக்கு இறுதி பெயர் பட்டியல் வெளியாகியுள்ளது.

சர்வதேச கால்பந்து சங்கங்களின் கூட்டமைப்பு (FIFA) வழங்கும் சிறந்த கால்பந்து வீரருக்கான விருதுக்கு இறுதி பெயர் பட்டியல் நேற்று அறிவிக்கப்பட்டது. லண்டனில் இதற்கான பெயர் பரிந்துரை செய்யும் நிகழ்ச்சி நடந்தது.

இதில், சிறந்த வீரர்கள் பட்டியலில் போர்ச்சுக்கல் வீரர் கிறிஸ்டியானோ ரொனால்டோ, அர்ஜெண்டினாவின் லயோனல் மெஸ்ஸி மற்றும் பிரேசிலின் நெய்மர் உள்ளிட்ட மூவர் பெயர் பரிந்துரைக்கப்பட்டுள்ளது. கடந்த ஆண்டு சிறந்த வீரர் விருதை வென்ற ரொனால்டோ இந்த ஆண்டும் விருதைத் தட்டிச்செல்வார் என்று எதிர்பார்க்கப்படுகிறது.

சிறந்த பயிற்சியாளர் விருது, சிறந்த வீராங்கனை விருது ஆகியவற்றுக்கான இறுதி பெயர் பரிந்துரைகளும் அறிவிக்கப்பட்டுள்ளன. அக்டோபர் 23ஆம் தேதி தேர்வு இந்த விருதுகளுக்கான முடிவு தெரிந்துவிடும்.