ஏழாவது ஆசிய துப்பாக்கி சுடுதல் சாம்பியன்ஷிப் போட்டிகள் கஜகஸ்தான் நாட்டின் அஸ்தானா நகரில் நடைபெற்று வருகிறது. இதில் மூன்றாவது இடத்துக்கான போட்டியில் இந்தியாவின் கைனான் செனாய்-ஷெரயேசி இணை லெபனான் அணிக்கு எதிராக களமிறங்கியது.
இப்போட்டியில், இந்திய இணை 40-38 என்ற புள்ளிகள் கணக்கில் வென்று அசத்தியது. இதன்மூலம், கலப்பு இரட்டையர் பிரிவில் இந்திய இணை வெண்கலப் பதக்கத்தை வசப்படுத்தியது. கலப்பு இரட்டையர் பிரிவின் தங்கப் பதக்கத்தை குவைத் அணியும் வெள்ளிப் பதக்கத்தை கொரிய அணியும் வென்றுள்ளன.
இத்தொடரில் இந்தியா இதுவரை இரு தங்கப் பதக்கங்கள் மற்றும் ஒரு வெண்கல பதக்கம் உட்பட மூன்று பதக்கங்களைப் பெற்றுள்ளது.
Mobile AppDownload Get Updated News