சீன வீரரை பொளந்துகட்டி விஸ்வரூபம் எடுத்த விஜேந்தர்: தொடர்ந்து 9வது வெற்றி பெற்று அசத்தல்!

மும்பை: தொழில்ரீதியான குத்துச்சண்டை போட்டியில் இந்திய வீரர் விஜேந்தர் தொடர்ந்து 9வது வெற்றி பெற்று அசத்தினார்.

இந்திய குத்துச்சண்டை வீரர் விஜேந்தர் சிங் ( 31 வயது). 2008, பீஜிங் ஒலிம்பிக்கில் வெண்கலம் வென்ற இவர், போதைப்பொருட்கள் பயன்படுத்திய சர்ச்சைக்கு பின் தற்போது தொழில்ரீதியான போட்டிகளில் மட்டும் பங்கேற்று வருகிறார்.

மும்பையில் நடந்த தொழில்ரீதியான குத்துச்சண்டை போட்டியில் சீனாவின் ஜுல்பிகர் மைய்மைய்டியாலியை சந்தித்தார் விஜேந்தர்.

மொத்தம் 10 சுற்றுகளாக இந்த போட்டி நடந்தது. முதல் சுற்றில் விஜேந்தர் தாக்குதல் தொடுத்தார். அடுத்த சுற்றில் ஜுல்பிகர் பதில் தாக்குதல் நடத்த போட்டி விறுவிறுப்பானது.


ஆனால் ஜுல்பிகர் பலமுறை தவறான முறையில் தாக்க, எச்சரிக்கப்பட்டார்.
இதை சரியாக பயன்படுத்திக்கொண்ட விஜேந்தர் துல்லியமாக 'பன்ச்' கொடுத்தார்.

முடிவில் விஜேந்தர் 96-93, 95-94, 95-94 என வெற்றி பெற்றதாக மூன்று நடுவர்கள் அறிவித்தனர்.

முன்னதாக 8 முறை தொழில் ரீதியான போட்டிகளில் வென்றிருந்த விஜேந்தர், தனது 9வது வெற்றியை பதிவு செய்தார். இந்த வெற்றியின் மூலம் தனது ஆசிய பசிபிக் 'சூப்பர் மிடில் வெயிட்' பட்டத்தை தக்கவைத்துக்கொண்ட விஜேந்தர், ஓரியண்டல் 'சூப்பர் மிடில் வெயிட்' பட்டத்தையும் கைப்பற்றி அசத்தினார்.

Indian star Vijender Singh defeated Zulpikar Maimaitiali of China by a unanimous decision in a tough 10-round contest here on Saturday to retain his WBO Asia Pacific Super Middleweight title and take over his opponent’s WBO Oriental Super Middleweight crown.