‘ஒரு தடவ முடிவு பண்ணீட்டா என பேச்ச நானே கேட்க மாட்டேன்’: போல்ட்!

ஓய்வு முடிவில் இருந்து நிச்சயமாக மாறப்போவது இல்லை, கடைசி போட்டியில் தோல்வியை சந்திக்க தயாராக இல்லை என ஜமைக்காவின் உசைன் போல்ட் தெரிவித்துள்ளார்.

உலகின் மின்னல் மனிதன் ஜமைக்காவின் உசைன் போல்ட். இவர் பீஜிங் (2008), லண்டன் (2012), ரியோ (2016) என ஒலிம்பிக் அரங்கில் 100 மீ., ஓட்டத்தில் ஹாட்ரிக் தங்கம் வென்று அசத்தியவர். தவிர, இதே ஒலிம்பிக்கில் 200 மீ, 4*100 மீ., ஓட்டத்திலும் மூன்று முறையும் தங்கம் வென்றிருந்தார். ஆனால் இவரது அணி வீரர் செய்த தவறால், இவரது ஒரு 4*100 மீ ஒலிம்பிக் தங்கம் பறிபோனது.

தடகளத்தில் வீழ்த்த முடியாத நாயகனாக ஜொலித்த போல்ட், 100., மீ., ஓட்டத்தில் உலகசாதனை, ஒலிம்பிக் சாதனை உட்பட பல்வேறு சாதனைகளுக்கு சொந்தக்காரர். சமீபத்தில் தனது ஓய்வு முடிவை அறிவித்தார்.

இந்நிலையில் இவர் தனது ஓய்வில் இருந்து நிச்சயமாக மீண்டு வருவார் என இவரது போட்டியாளரான அமெரிக்காவின் ஜஸ்டின் கால்டின் தெரிவித்திருந்தார்.

இதுகுறித்து போல்ட் கூறுகையில்,’கடைசி போட்டியான பேர்வல் போட்டியிலும் நிச்சயமாக ஜெயிப்பேன். அதேபோல ஒருநாளும் ஓய்வு முடிவில் இருந்து பின்வாங்கபோவதில்லை.’ என்றார்.


Unbeatable. For me, that would be the biggest headline. Unbeatable. Unstoppable. Hear that guys? Jot it down. - Usain Bolt