பேட்மிண்டன் ரேங்கிங் : சாய்னாவுக்கு பின்னடவு!

புதுடில்லி: சர்வதேச பேட்மிண்டன் ரேங்கிங்கில் இந்திய நட்சத்திர வீராங்கனை சாய்னா நேவல் பின்னுக்குதள்ளப்பட்டார்.

சர்வதேச பேட்மிண்டன் அரங்கில் சிறந்து விளங்கும் வீரர், வீராங்கனைகளுக்கான ரேங்கிங்கை (தரவரிசை) பேட்மிண்டன் கூட்டமைப்பு வெளியிட்டது.

இதில் பெண்கள் ஒற்றையர் பிரிவில், சமீபத்தில் முடிந்த ரியோ ஒலிம்பிக்கில் அதிர்ச்சி தோல்வியடைந்த இந்திய நட்சத்திர வீராங்கனை சாய்னா 4 புள்ளிகள் குறைந்து 9வது இடத்துக்கு தள்ளப்பட்டார். வெள்ளிப்பதக்கம் வென்ற பி.வி.சிந்து தனது 10வது இடத்தை தக்கவைத்துக்கொண்டார்.

இதே போல் இரட்டையர் பிரிவில் இந்திய ஜோடி ஜூவாலா கட்டா, அஷ்வினி பொண்ணப்பா, 4 இடங்கள் பின்னிக்கு தள்ளப்பட்டு 26வது இடம் பிடித்தனர். ஆண்கள் பிரிவில் இந்திய வீரரான ஸ்ரீகாந்த் 10 இடம் பிடித்தார். மற்றொரு இந்திய வீரர் அஜய் ஜெயராம் 22வது இடம் பிடித்தார்.