344 கோடி ரூபாய் பரிசுத் தொகையை வெல்ல போகும் அணி எது? என்ற எதிர்பார்ப்பு கால்பந்து ரசிகர்களை தாண்டி சாமானியர்கள் மத்தியிலும் தொற்றிக் கொண்டது. இந்நிலையில் அர்ஜென்டினா கால்பந்து அணியின் ஜாம்பவானும், பி.எஸ்.ஜி க்ளப் அணி வீரருமான லியோனல் மெஸ்ஸி முக்கியமான ஒரு விஷயத்தை பகிர்ந்திருக்கிறார். இவரது தலைமையில் உலகக்கோப்பையை வென்று அதன் ருசியை ஒருமுறையாவது சுவைத்து பார்த்துவிட வேண்டும் என்று ரசிகர்கள் பெரிய எதிர்பார்ப்புடன் இருக்கின்றனர்.
அந்த கனவு அவருக்கும் இல்லாமல் இல்லை. இருப்பினும் வலுவான அணிகள் எவை? அவற்றில் யாருக்கு கோப்பை வெல்ல வாய்ப்பிருக்கிறது? என கணிப்பு மெஸ்ஸிக்கும் இருப்பதை தவிர்க்க முடியாது. அந்த வகையில் லியோனல் மெஸ்ஸி ஒரு பட்டியலை வெளியிட்டிருக்கிறார். பின்வரும் மூன்று அணிகள் தான் தன்னுடைய ஃபேவரைட். இவை கால்பந்து உலகக்கோப்பை 2022ஐ வெல்ல அதிக வாய்ப்பிருக்கிறது எனக் குறிப்பிட்டுள்ளார். அவை,
* பிரேசில்
* பிரான்ஸ்
* இங்கிலாந்து
இம்முறை நிறைய சர்ப்ரைஸ்கள் காத்திருக்கின்றன. எதிர்பாராததை எதிர்பாருங்கள் என்று சொல்வதை போலத் தான். நடப்பு உலகக்கோப்பை மிகவும் சவாலான ஒன்று. சிறந்த முறையில் இந்த உலகக்கோப்பையை தொடங்குவோம். தற்போதைய சூழலில் இதுதான் முக்கியம். வேறெதுவும் இல்லை. களத்தில் அதிக நேரம் விளையாடும் போது மற்ற வீரர்கள் பற்றி நன்கு அறிந்து கொள்ள முடியும்.
அதேசமயம் சரியான தருணத்தையும் உணரலாம் என்று மெஸ்ஸி தெரிவித்துள்ளார். அர்ஜென்டினா அணியை பொறுத்தவரை 1978, 1986 என இருமுறை உலகக்கோப்பையை வென்றுள்ளது. 2014ஆம் ஆண்டு இறுதிப் போட்டியில் மெஸ்ஸி இடம்பெற்ற அர்ஜென்டினா அணியானது ஜெர்மனி உடன் தோல்வியை தழுவியது. மெஸ்ஸி தலைமையில் சர்வதேச கோப்பைகளை வெல்லவில்லை என்ற குறை நீடித்து வந்தது.
அதற்கு கடந்த ஆண்டு கோபா அமெரிக்கா சாம்பியன் பட்டம் மூலம் முற்றுப்புள்ளி வைக்கப்பட்டது. இந்த சூழலில் தனது கடைசி உலகக்கோப்பையை விளையாட மெஸ்ஸி தயாராகி வருகிறார். இவர் கடந்த 4 உலகக்கோப்பை தொடர்களில் 19 போட்டிகளில் விளையாடியுள்ளார். இது 5வது உலகக்கோப்பை. எனவே மெஸ்ஸி தலைமையில் அர்ஜென்டினா உலகக்கோப்பை வெல்லுமா? என்பதை பொறுத்திருந்து பார்க்கலாம்.
Mobile AppDownload Get Updated News