ஆறு ஆண்டுகளில் இல்லாத அளவில் முன்னேறிய இந்திய அணி!

புதுடில்லி: பிபா தரவரிசைப்பட்டியலில், கடந்த ஆறு ஆண்டுகளில் இல்லாத அளவு இந்திய அணி முன்னேற்றம் கண்டுள்ளது.

சர்வதேச கால்பந்து அரங்கில் சிறந்து விளங்கும் அணிகளுக்கான பட்டியலை, சர்வதேச கால்பந்து கூட்டமைப்பான பிபா வெளியிட்டுள்ளது. இதில் கடந்த ஆறு ஆண்டுகளில் இல்லாத அளவுக்கு இந்திய அணி, முன்னேற்றம் அடைந்துள்ளது.

ப்யூடோ ரிகோ அணிக்கு எதிரான சர்வதேச கால்பந்து போட்டியில் வெற்றி பெற்றதன் மூலம் இந்திய அணி, ரேங்கிங்கில், சுமார் 11 இடங்கள் முன்னேறி, 137 வது இடத்துக்கு முன்னேறியது. இதற்கு முன் இந்திய அணி, கடந்த 2010ல், இந்திய அணி, 137 வது இடத்தில் இருந்தது. இதன் பின் சுமார் ஆறு ஆண்டுகளுக்கு பின், தற்போது தான் இந்த இடத்துக்கு முன்னேறியுள்ளது.