கடைசி நேரத்தில் கோல்: போராடி வென்றது இங்கிலாந்து!

உலகமெங்கும் நடைபெற்று வரும் உலகக்கோப்பை தகுதிச்சுற்றில் இன்று உலகத் தரவரிசையில் 4-வது இடத்தில் இருக்கும் இங்கிலாந்து அணியும், 19வது இடத்தில் இருக்கும் போலந்து அணியும் மோதின.

போலந்து அணியின் கேப்டனும் நட்சத்திர வீரருமான லெவன்டாஸ்க்கி காயம் காரணமாக இந்த ஆட்டத்தில் களமிறங்கவில்லை, இது போலந்து அணிக்கு பெரும் பின்னடைவாக அமைந்தது. முதல் இரண்டு ஆட்டங்களை வென்ற இங்கிலாந்து அணி இந்த ஆட்டத்தை வென்றாக வேண்டும் என்ற எண்ணத்தில் களமிறங்கியது.

இங்கிலாந்து அணி ஆட்டத்தை சிறப்பாக துவங்கியது. ஆட்டத்தின் முதல் நிமிடங்களில் இங்கிலாந்து அணி தாக்குதல் ஆட்டத்தில் ஈடுபட்டது. ஆனால் போலந்து அணி சிறப்பான தடுப்பு ஆட்டத்தை மேற்கொண்டதால் இங்கிலாந்து அணி இவர்களை நிதான படுத்தியது.

ஏனோ தானோ என்று தாக்குதல் நடத்தாமல், சரியான காலம் நேரம் பார்த்து தாக்குதல் நடத்தியது. ஆட்டத்தின் 8வது நிமிடத்தில் இங்கிலாந்து அணியின் சில்வெல் அருமையான கிராஸ் கொடுக்க அதை ஃபோடன் தலையால் முட்டி கோல் பக்கம் திருப்பி விட வேண்டும் என்ற எண்ணத்தில் அடித்த பந்து முற்றிலுமாக தவறி சென்றது.

ஆட்டத்தில் ஆதிக்கம் செலுத்திய இங்கிலாந்து அணி போலந்து அணியின் தடுப்பு ஆட்டத்தை மீறி வாய்ப்புகளை ஏற்படுத்த சரியான சந்தர்ப்பம் வேண்டி காத்திருந்தனர். ஆட்டத்தின் 19வது நிமிடத்தில் இங்கிலாந்து அணியின் ஸ்டெர்லிங்கை போலந்து அணியின் ஹெலிக் தட்டி விட்டதன் காரணமாக இங்கிலாந்து அணிக்கு பெனால்டி வழங்கப்பட்டது.

அதை இங்கிலாந்து அணியின் கேப்டன் கேன் அட்டகாசமாக கோல் அடித்து இங்கிலாந்து அணியை முன்னிலை பெறச் செய்தார். முதல் போல் அடித்த இங்கிலாந்து அணி சற்று வேகத்தைக் குறைத்துக் கொள்ளாமல் தொடர்ந்து தாக்குதல் நடத்தியது. மறுமுனையில் போலந்து அணி தாக்குதல் நடத்த வேண்டும் என்ற முனைப்பு காட்டாமல் முற்றிலுமாக தடுத்து ஆட்டத்தையே கவனம் செலுத்தினர். முதல் பாதியின் இறுதியில் இங்கிலாந்து அணி 1-0 என்ற கோல் கணக்கில் முன்னிலை பெற்றது.

இரண்டாம் பாதியில் போலந்து அணி இங்கிலாந்து அணிக்கு அழுத்தம் கொடுக்கத் துவங்கியது. இங்கிலாந்து அணி வீரர்கள் தங்கள் வசம் பந்தை வைத்து இருக்கும் சமயத்தில் போலந்து அணியின் வீரர்கள் தொடர்ச்சியாக கொடுத்த அழுத்தத்தின் காரணமாக இங்கிலாந்து அணியினர் பதற்றம் அடைந்து பல தவறுகள் செய்தனர். குறிப்பாக ஆட்டத்தின் 59வது நிமிடத்தில் இங்கிலாந்து அணியின் தடுப்பு ஆட்டக்காரர் ஸ்டோன்ஸ்ஸிர்க்கு அழுத்தம் கொடுத்த போலந்து அணியின் மிலிக் பந்தை தன் வசமாக்கி அவர் கொடுத்த பாசை மொடர் கோலாக மாற்றி ஆட்டத்தை சமன் செய்தார்.

ஆட்டத்தில் சமஸ்கிருதத்திலிருந்து கோலங்கள் அணி உத்வேகம் பெற்று தாக்குதல் நடத்த துவங்கியது. அந்த சமயத்தில் இங்கிலாந்து அணியின் தடுப்பு ஆட்டக்காரர்கள் சிறப்பாக செயல்பட்டு அவற்றை செயலிழக்க செய்தனர். இரு அணிகளும் தாக்குதல் ஆட்டத்தில் ஈடுபட இரு அணிகளின் தடுப்பு ஆட்டமும் எதிரணியின் தாக்குதல்களை செயலிழக்க செய்தது. 1-1 என்ற முடிவை நோக்கி சென்று கொண்டிருந்தார் ஆட்டத்தின் 85வது நிமிடத்தில் மக்வையர் அட்டகாசமாக கோல் அடிக்க இங்கிலாந்து அணியை 2- என்ற கோல் கணக்கில் வெற்றி பெறச் செய்தார்.

இந்த வெற்றியின் மூலம் இங்கிலாந்து அணி உலகக்கோப்பை தகுதிச்சுற்று ஆடிய 3 ஆட்டங்களிலும் வெற்றி பெற்றுள்ளது. இதனால் புள்ளி பட்டியலில் முதல் இடத்திற்கு முன்னேறியுள்ளது.