'இன்னும் இரண்டு ஆண்டுகள் போட்டியிட ஆசை': மனம்திறந்த வாலண்டினா ரோஸி!

மோட்டோ ஜிபி வரலாற்றில் அதிக போட்டிகளில் பங்கேற்ற ஜாம்பவானான இத்தாலி நாட்டைச் சேர்ந்த வாலண்டினா ரோஸி கடந்த 1996ஆம் ஆண்டு முதன் முறையாக மோட்டார் பைக் பந்தயத்தில் கலந்து கொண்டார். சுமார் 25 ஆண்டுகள் சிறப்பாக செயல்பட்டு தற்போது தன்னுடைய 26 ஆவது ஆண்டில் காலடி எடுத்து வைக்கிறார்.

2000களில் சிறப்பான ஆட்டத்தை வெளிப்படுத்தி தொடர் வெற்றிகளை குவித்து வந்த இவர் ஏழு முறை மோட்டோ ஜிபி சாம்பியன் பட்டம் வென்றுள்ளார். உலகத்தில் இருக்கும் பல்வேறு நாடுகளுக்கு மோட்டோ ஜிபி பந்தயத்தை எடுத்துச்செல்ல இவர் ஒருமுகமாக செயல்பட்டார். இப்பொழுதும் கூட தமிழ்நாட்டில் பல்வேறு இளைஞர்கள் தங்களுடைய பைக்கில் 46 என்ற வாலண்டினா ரோஸியின் பைக் என்னை ஒட்டி மகிழ்கின்றனர். மோட்டோ ஜிபி பந்தயத்தில் இருந்து பொதுவாக தங்களுடைய 35 வயதிற்கு முன் ஓய்வு பெற்று விடுவார்கள் ஆனால் இவர் தன்னுடைய 42-வது வயதிலும் தொடர்ந்து போட்டியிடுகிறார்.

மோட்டார் பைக் பந்தயத்தின் மேல் இவர் வைத்திருக்கும் அன்பும் ஆர்வமும் இன்றும் பல இளம் வீரர்களை ஊக்குவிக்கும் ஒன்றாக அமைகிறது. தன்னுடைய 26வது ஆண்டு குறித்து இவர் அளித்த பேட்டியில், தற்பொழுது இவர் புதிதாக இணைந்திருக்கும் 'பெட்ரோனாஸ் யமஹா' அணியில் ஓராண்டு மட்டுமே ஒப்பந்தமாகி காரணம் என்ன என்ற கேள்விக்கு இவர் புதிய ஆண்டில் தான் சிறப்பான ஆட்டத்தை வெளிப்படுத்தி முதல் 5 இடங்களை பிடிக்கும் பட்சத்தில் மேலும் ஒரு ஆண்டு மோட்டோ ஜிபி மோட்டார் பைக் பந்தயத்தில் நீடிப்பது குறித்து சிந்திப்பார் என்றும் இன்னும் இரண்டு ஆண்டுகள் அவர் மோட்டோ ஜிபியில் நீடிப்பதற்கு விருப்பத்தையும் தெரிவித்தார். இவர் கடந்த 3 ஆண்டுகளாக ஒரு போட்டியில் கூட வெற்றியை பதிவு செய்வதில்லை என்பது குறிப்பிடத்தக்கது.

சென்ற ஆண்டு இவரது சீசன் அத்தனை சிறப்பானதாக அமையவில்லை, 66 புள்ளிகளை மட்டுமே குவித்த இவர் புள்ளிப் பட்டியலில் 15வது இடத்தையே பிடித்தார். தன்னுடைய 25 ஆண்டு மோட்டார் பைக் பந்தய வரலாற்றில் முதல்முறையாக புள்ளிப் பட்டியலில் இரட்டை இலக்க இடத்தை பிடிக்கின்றார் என்பது குறிப்பிடத்தக்கது. காயத்தின் காரணமாக ஓர் ஆண்டு கழித்து மீண்டும் களமிறங்கும் மார்க் மார்க்கஸ்சை பற்றி கேட்ட கேள்விக்கு, மார்க்கஸ் இல்லாத காலத்தில் இளம் வீரர்கள் பலர் தங்களுடைய ஆட்டத்தை மேம்படுத்த விட்டார்கள் என்றும் இந்த ஆண்டு மார்க் மார்க்கஸ் சாம்பியன்ஷிப் பட்டம் வெல்வது அத்தனை எளிதாக இருக்காது என்றும் தெரிவித்தார்.