பேயர்ன் அணி வெற்றி: செல்சீக்கு இணையாக முன்னேறியது!

ஐரோப்பிய கண்டத்தில் பல்வேறு நாடுகளில் நடைபெற்று வரும் சாம்பியன்ஸ் லீக் போட்டியின் காலிறுதிக்கு முந்தைய சுற்றில் இன்று இத்தாலி நாட்டைச் சேர்ந்த லாசியோ அணியும் ஜெர்மனி நாட்டைச் சேர்ந்த பேயர்ன் அணியும் மோதின.

இரண்டு ஆண்டுகளாக நடைபெறும் இந்த சுற்றின் முதல் ஆட்டத்தை பேயர்ன் அணி 4-1 என்ற கோல் கணக்கில் அபார வெற்றி பெற்றது, அதைத் தொடர்ந்து இன்று நடைபெற்ற ஆட்டத்தில் லாசியோ அணி 4 கோல் வித்தியாசத்தில் வெற்றி பெற்றால் மட்டுமே அடுத்த சுற்றுக்கு முன்னேற முடியும் என்ற நிலை ஏற்பட்டது. ஆனால் பேயர்ன் அணியை வெற்றி பெறுவது என்பது அத்தனை சுலபமான காரியமல்ல.

ஐரோப்பிய கண்டத்தில் தலைச்சிறந்த தாக்குதல் ஆட்டத்தை ஆடும் பேயர்ன் அணி இந்த ஆட்டத்திலும் தாக்குதல் ஆட்டத்தையே கடைபிடிப்பது. முதல் போட்டியில் பேயர்ன் அணியின் தடுப்பு சட்டத்தை மீறி பெரிய அளவில் பாதிப்புகளை ஏற்படுத்த முடியாது லாசியோ அணி இந்த ஆட்டத்தில் கடுமையான தடுப்பு ஆட்டத்தில் ஈடுபட்டு கிடைத்த நேரத்தில் கவுண்டர் அட்டாக் செய்து வந்தனர்.

ஆனால் அவர்கள் நடத்திய கவுண்டர் அட்டாக் எதுவும் பேயர்ன் அணியின் தடுப்பு ஆட்டத்தை சோதிப்பதாக இல்லை. தொடர்ந்து தாக்குதல் நடத்திய பேயர்ன் அணிக்கு ஆட்டத்தின் 31வது நிமிடத்தில் பெனால்டி வழங்கப்பட்டது அதை எடுக்க முன்வந்த அணியின் நட்சத்திர வீரர் லெவான்டாஸ்க்கி அதை கோலாக மாற்றி பேயர்ன் அணியை முன்னிலை பெறச் செய்தார்.

பேயர்ன் அணி தாக்குதல் ஆட்டத்தில் ஈடுபட்ட பொழுதும் எப்பொழுதும் போல தங்களது முழு கவனமும் தாக்குதல் ஆட்டத்தில் இல்லை, ஆட்டத்தை சற்று நிதானமாகவே எடுத்துச்சென்றனர். முதல் பாதி 1-0 என்ற கோல் கணக்கில் முடிவடைந்தது.

இரண்டாம் பாதி துவங்கிய பேயர்ன் அணி லாசியோ அணிக்கு அழுத்தம் கொடுத்து வந்தது, முதல் பாதியை விட இரண்டாம் பாதி சற்று மந்தமாகவே சென்றது. பொதுவாக பேயர்ன் அணி அதிக அளவில் வாய்ப்புகளை ஏற்படுத்தி வரும், அதேசமயம் கிடைத்த வாய்ப்புகளை சரியாக பயன்படுத்தி அதிக கோல் குவிப்பார்கள்.

ஆனால் இந்த ஆட்டத்தில் தாக்குதல்கள் பல நடத்தினாலும் பெரிய அளவில் வாய்ப்புகள் ஏற்படுத்தவில்லை. ஆட்டத்தின் 73வது நிமிடத்தில் அலாபா கொடுத்த பாசை சோப்பு மோட்டிங் கோலாக மாற்றி பேயர்ன் அணியை 2 கோல் முன்னிலை பெறச் செய்தார்.

இதன்பின் பேயர்ன் அணி முற்றிலுமாக தடுப்பு ஆட்டத்தில் இறங்கியது. லாசியோ அணியும் அதிக அளவில் பந்தை தங்கள் வசம் வைத்துக் கொண்டாலும் பெரிய அளவில் வாய்ப்புகளை ஏற்படுத்தவில்லை. இறுதியாக ஆட்டத்தின் 82 ஆவது நிமிடத்தில் பெரேரா கொடுத்த ஃப்ரீகிக்கை பரோலோ தலையால் முட்டி கோல் அடித்தார். ஆட்டத்தின் முடிவில் பேயர்ன் அணி 2-1 என்ற கோல் கணக்கில் வெற்றி பெற்றது.

முதல் ஆட்டத்தை 4-1 என்ற கோல் கணக்கில் வெற்றி பெற்ற பேயர்ன் அணி இன்று நடைபெற்ற இரண்டாம் ஆட்டத்தை 2-1 என்ற கோல் கணக்கில் வெற்றி பெற்றதன் மூலம் இந்த சுற்றை பேயர்ன் அணி 6-2 என்ற கோல் கணக்கில் வென்று காலிறுதி சுற்றுக்கு முன்னேறியது.