லீக் போட்டிகளில் கடைசி ஆட்டத்தை மும்பை அணிக்கு எதிராக தோல்வியடைந்த மோகன் அணி சுழற் கேடயத்தை மும்பை அணியிடம் பறிகொடுத்தது அதற்கு பழிவாங்கும் எண்ணத்தோடும் கோப்பையை வெல்ல வேண்டும் என்ற எண்ணத்தோடும் மோகன் பேகன் அணி களம் இறங்கியது.
முதல் முறையாக இறுதிச் சுற்றுக்கு முன்னேறும் மும்பை அணி இந்த போட்டியில் வென்றால் அணியின் வரலாற்றில் முதல் கோப்பையை பதிவிடலாம் என்ற எண்ணத்தோடு களமிறங்கியது. நடப்பு சீசனில் இவ்விரண்டு அணிகள் மோதிய இரண்டு ஆட்டங்களிலும் மும்பை அணி வெற்றி பெற்றுள்ளது.
மேலும் மும்பை அணிக்கு எதிராக ஆடிய இரண்டு ஆட்டங்களிலும் மோகன் பேகன் அணி ஒரு கோல் கூட பதிவு செய்யவில்லை என்பது குறிப்பிடத்தக்கது. ஆட்டம் துவங்கியதும் இரு அணிகளும் தாக்குதல் ஆட்டத்தில் ஈடுபட்டனர்.
மோகன் பேகன் அணி சார்பாக துவங்கிய சில நிமிடங்களிலேயே வில்லியம்ஸ் கோலை நோக்கி 2 முறை பந்தை தாக்கினார் ஆனால் இரண்டும் கோலாக மாறவில்லை. மறுமுனையில் மும்பை அணி சார்பாக முன்கள வீரர்களான ஃபெர்னாண்டஸ் மற்றும் லெ ஃபாண்ட்ரெ ஆகியோர் அடித்த பந்துகளும் கோலாக மாறவில்லை.
தொடர்ந்து தாக்குதல் நடத்திய மோகன் பேகன் அணிக்கு ஆட்டத்தின் 15வது நிமிடத்தில் இரண்டு வாய்ப்புகள் கிடைக்க இரண்டும் தவறியது. சற்றும் சளைக்காத மோகன் பேகன் அணி கடுமையான தாக்குதல் ஆட்டத்தில் ஈடுபட்ட ஆட்டத்தின் 18-வது நிமிடத்தில் ராய் கிருஷ்ணா கொடுத்த பாசை வில்லியம்ஸ் கோலாக மாற்றி அணியை முன்னிலை பெறச் செய்தார்.
தொடர்ந்து அட்டகாசமான ஆட்டத்தை வெளிப்படுத்திய மோகன் பேகன் அணியின் டிரி ஆட்டத்தின் 28 ஆவது நிமிடத்தில் ஓன் கோல் அடித்து ஆட்டத்தை சமன் செய்தார். ஆட்டம் சமநிலை பெற்றதும் இரு அணிகளும் நிதானம் காட்டினார், ஆனால் மோகன் பேகன் அணி சற்று தாக்குதல் நிலையை கடைப்பிடித்தது. முதல் பாதியின் இறுதியில் ஆட்டம் 1-1 என்ற கோல் கணக்கில் முடிவடைந்தது.
இரண்டாம் பாதி துவங்கியதிலிருந்து மோகன் பேகன் அணி ஆதிக்கம் செலுத்தினர். கடுமையான தாக்குதல் ஆட்டத்தில் ஈடுபட்ட மோகன் பேகன் அணியால் மும்பை அணியின் தடுப்புச் ஆட்டத்தை மீறி பெரிய அளவில் வாய்ப்புகளை ஏற்படுத்த இயலவில்லை, மோகன் பேகன் அணியின் முன்கள வீரர்கள் மாறி மாறி கோலை நோக்கி பந்தை அடித்த வண்ணமிருந்தனர்.
மும்பை அணியின் தடுப்பு ஆட்டக்காரர்களான ஃபால் மற்றும் ஹெர்னன் ஆகியோர் அட்டகாசமான ஆட்டத்தை வெளிப்படுத்தினார். மோகன் பேகன் அணியின் தாக்குதல்களை சமாளிப்பதிலேயே மும்பை அணியின் நேரம் போய்விட்டது.
மும்பை அணி ஆட்டத்தை நிதானமாக எடுத்துச் செல்ல முற்பட மறுமுனையில் மோகன் பேகன் அணியினர் கடுமையான தாக்குதல் நடத்தினர், குறிப்பாக அணியின் நட்சத்திர வீரரான ராய் கிருஷ்ணா சிறப்பான ஆட்டத்தை வெளிப்படுத்தி மும்பை அணியின் தடுப்பு ஆட்டத்திற்கு தலைவலியாக அமைந்தார், மேலும் மற்றொரு தாக்குதல் வீரரான வில்லியம்ஸ் சிறப்பான ஆட்டத்தை வெளிப்படுத்த அவருக்கு பெரிய அளவில் வாய்ப்புகள் கிடைக்கவில்லை.
அவர் தனக்கு கிடைத்த வாய்ப்பை கோலைநோக்கி தொடர்ந்து ஏவினார் ஆனால் அவருக்கு கோல் எதுவும் கிடைக்கவில்லை. 0-0 என்ற முடிவை நோக்கி சென்று கொண்டிருந்த ஆட்டத்தின் கடைசி நிமிடத்தில் ஆட்டத்தின் போக்கிர்க்கு முற்றிலும் மாறாக மும்பை அணியின் ஒக்பேசி கொடுத்த பாசை பிபின் சிங் கோலாக மாற்றி அணியை 2-1 என்ற கோல் கணக்கில் முன்னிலை பெறச் செய்தார்.
மீண்டும் ஆட்டத்தை சமன் செய்ய வேண்டும் என்ற முனைப்பில் தாக்குதல் நடத்திய மோகன் பேகன் அணிக்கு கோல் எதுவும் கிடைக்காமல் 2-1 என்ற கோல் கணக்கில் தோல்வி அடைந்தனர்.
இந்த வெற்றியின் மூலம் மும்பை அணி தங்களது முதல் கோப்பையை பதிவு செய்துள்ளது. மேலும் ஒரே சீசனில் சுழற் கேடயம் மற்றும் கோப்பை என இரண்டையும் வெல்லும் இரண்டாவது அணி எனும் பெருமையையும் பெற்றது.
Mobile AppDownload Get Updated News