வெளியேறுகிறாரா ரொனால்டோ? சர்ச்சைக்குரிய செய்தியால் பரபரப்பு!

கால்பந்து வரலாற்றில் அதிக கோல் அடித்த போர்ச்சுகல் நாட்டைச் சேர்ந்த ரொனால்டோ 2018 ஆம் ஆண்டு ரியல் மாட்ரிட் அணியில் இருந்து யுவன்டஸ் அணியில் இணைந்தார்.

அவர் இணைவதற்கு முந்தைய சீசனில் யுவன்டஸ் அணி சாம்பியன்ஸ் லீக் அரையிறுதி போட்டி வரை சென்று ரியல்மாட்ரிட் அணியிடம் தோல்வி அடைந்தது, எனவே சாம்பியன்ஸ் லீக் வரலாற்றில் அதிக கோல் அடித்த ரொனால்டோ யுவன்டஸ் அணியில் இணைந்து இருப்பது யுவன்டஸ் அணிக்கு சாம்பியன்ஸ் லீக் கோப்பையை வென்று தரும் என்று பலர் எதிர்பார்த்தனர்.

அதைத்தொடர்ந்து 2019ஆம் ஆண்டு நடைபெற்ற சாம்பியன்ஸ் லீக் காலிறுதிப் போட்டியில் அயக்ஸ் அணியிடம் தோல்வி அடைந்து வெளியேறியது, அதைத்தொடர்ந்து 2020ஆம் ஆண்டு சாம்பியன்ஸ் லீக் காலிறுதிக்கு முந்தைய சுற்றில் லியான் அணிக்கு எதிராக தோல்வி அடைந்து வெளியேறியது, இந்த ஆண்டு சாம்பியன்ஸ் லீக்கில் காலிறுதிக்கு முந்தைய சுற்றில் போர்ட்டோ அணிக்கு எதிராக தோல்வியடைந்து வெளியேறியுள்ளது.

டி மரியாவின் ஒப்பந்தம் நீடிப்பு: மெஸ்ஸியை அணியில் இணைப்பதற்கான தந்திரமா?

தொடர்ந்து மூன்று சீசனாக சாம்பியன்ஸ் லீக் போட்டிகளில் எதிர்பார்த்ததை விட மிக மோசமான ஆட்டத்தை வெளிப்படுத்தி வரும் யுவன்டஸ் அணியின் நட்சத்திர வீரரான ரொனால்டோ பல விமர்சனங்களுக்கு ஆளாகியுள்ளார்.

யுவன்டஸ் அணி ரொனால்டோ வருவதற்கு முன்னர் இறுதிப்போட்டி வரை சென்றது ஆனால் தற்பொழுது மூன்று ஆண்டுகளாக அரை இறுதிப் போட்டிக்கு முன்னேற தவறியுள்ளது என்பதையும் சுட்டிக் காட்டுகின்றனர்.

ரொனால்டோ வருவதற்கு முன் அணியின் இதயத் துடிப்பாக செயல்பட்ட டிபாலா தற்பொழுது தனது இயல்பான ஆட்டத்தை வெளிப்படுத்த தவறுகிறார் அதற்கு ரொனால்டோவின் வருகை மிக முக்கிய காரணமாக பார்க்கப்படுகிறது, மட்டுமல்லாமல் அணி ரொனால்டோவை மையப்படுத்தி உருவாக்கப்படுகிறது அணிக்கு பின்னடைவை ஏற்படுத்துகிறது என்றும் விமர்சனங்கள் எழுந்தன.

குறிப்பாக ரொனால்டோவின் வருகைக்கு முன்பு தொடர்ச்சியாக இத்தாலியன் கால்பந்தை ஆதிக்கம் செலுத்தி வந்த யுவன்டஸ் அணி தற்போது புள்ளி பட்டியலில் மூன்றாம் இடத்தில் தவிக்கின்றது. அதனைத் தொடர்ந்து ஸ்பெயின் நாட்டைச் சேர்ந்த தனியார் பத்திரிக்கைகள் ரொனால்டோ யுவன்டஸ் அணியில் மகிழ்ச்சியாக இல்லை என்றும் மீண்டும் ரியல் மாட்ரிட் அணியில் இணைவதற்கு அவர் முனைப்பு காட்டுகிறார் என்றும் செய்திகள் வெளியிட்டது.

அதைத்தொடர்ந்து சமூகவலைதளங்களில் விவாதங்கள் எழுந்துள்ளன. ரியல் மாட்ரிட் அணியின் ரசிகர்கள் ரொனால்டோவை வரவேற்கும் சமயத்தில் யுவன்டஸ் அணியின் ரசிகர்களில் சிலர் ரொனால்டோ அணியை விட்டு வெளியேறினால் யுவன்டஸ் அணி மீண்டும் இத்தாலியன் கால்பந்தை ஆதிக்கம் செலுத்த முடியும் என்று கருத்துக்கள் பதிவிட்டு வருகின்றனர். மான்செஸ்டர் யுனைடெட் அணியின் ரசிகர்கள் தங்கள் பங்கிற்கு ரொனால்டோவை மீண்டும் மான்செஸ்டர் யுனைடெட் அணியில் சேர்வதற்கு அழைப்பு விடுத்து வருகின்றனர். அவர் வெளியே வாழும் இல்லையா என்பது சீசனின் முடிவில்தான் தெரிய வரும்.