டார்ட்மண்ட் அணி அட்டகாசமாக ஆட்டத்தைத் துவங்கியது. ஆட்டம் துவங்கிய 90 வினாடிகளில் டார்ட்மண்ட் அணியின் ஹாலண்ட் ராக்கெட் வேகத்தில் அடித்த பந்து கோலாக மாற டார்ட்மண்ட் அணி முன்னிலை பெற்றது. தொடர்ந்து தாக்குதல் நடத்திய டார்ட்மண்ட் அணிக்கு ஆட்டத்தின் 9ஆவது நிமிடத்தில் ஹசார்ட் கொடுத்த கிராஸ்சை ஹாலன்ட் கோலாக மாற்ற டார்ட்மண்ட் அணி இரண்டு கோல் முன்னிலை பெற்றது. பேயர்ன் அணிக்கு எதிராக முதல் ஒன்பது நிமிடத்திலேயே இரண்டு கோல் முன்னிலை பெற்றது ரசிகர்களுக்கு ஆச்சரியமளித்தது.
ஆட்டத்தின் துவக்கத்திலேயே இரண்டு கோல் கொடுத்த பேயர்ன் அணி உடனடியாக கோல் அடித்தால் மட்டுமே ஆட்டத்தில் வெற்றி பெற வேண்டும் என்பதை உணர்ந்தனர். கடுமையான தாக்குதல் ஆட்டத்தில் ஈடுபட்டனர் பேயர்ன் அணியினர். தொடர்ச்சியாக வாய்ப்புகளை ஏற்படுத்தி வந்த பேயர்ன் அணிக்கு ஆட்டத்தின் 26 ஆவது நிமிடத்தில் சானே கொடுத்த கிராஸ்சை லெவான்டாஸ்க்கி கோலாக மாற்றினார். பேயர்ன் அணி கடுமையான தாக்குதல் ஆட்டத்தில் ஈடுபட்டது, டார்ட்மண்ட் அணியினர் தாக்குதலைப் பற்றி சிந்திக்க கூட நேரமில்லாமல் பேயர்ன் அணியின் தாக்குதல்களை தடுக்கும் பணியில் ஈடுபட்டனர். ஆட்டத்தில் 42 ஆவது நிமிடத்தில் அதை லெவான்டாஸ்க்கி கச்சிதமாக கோலாக மாற்றி ஆட்டத்தை சமன் செய்தார். முதல் பாதி 2-2 என்ற கோல் கணக்கில் முடிவடைந்தது.
முதல் பாதியை போலவே இரண்டாம் பாதியிலும் டார்ட்மண்ட் அணி தடுப்பு ஆட்டத்தில் கவனம் செலுத்தியது. பேயர்ன் அணி எதிர்பார்த்ததைப் போல கடுமையான தாக்குதல் ஆட்டத்தில் ஈடுபட்டு வந்தது. ஆட்டத்தின் 52வது நிமிடத்தில் டார்ட்மண்ட் அணியின் நட்சத்திர வீரரான ஹாலன்ட் காயம் காரணமாக வெளியேறினார். இது டார்ட்மண்ட் அணிக்கு பெரும் பின்னடைவாக அமைந்தது. பேயர்ன் அணி தங்களது ஆட்டத்தில் எந்த ஒரு சமரசம் செய்து கொள்ளாமல் வேகத்தை கூட்டிக்கொண்டே கடுமையான தாக்குதல் நடத்தியது. லேவான்வடாஸ்க்கி தனக்கு கிடைத்த இரண்டு வாய்ப்புகளை நழுவ விட்டார்.
ஆட்டத்தில் 88வது நிமிடத்தில் கொரட்ஸ்க்கா கோல் அடித்து அணியை முன்னிலை பெறச் செய்தார் தொடர்ந்து தாக்குதலில் ஈடுபட்ட பேயர்ன் அணிக்கு ஆட்டத்தின் கடைசி நிமிடத்தில் லெவான்டாஸ்கி கோல் அடித்து பேயர்ன் அணியை 4-2 என்ற கோல் கணக்கில் வெற்றி பெறச் செய்தார். இந்த வெற்றியின் மூலம் பேயர்ன் அணி மீண்டும் முதலிடத்திற்கு முன்னேறியுள்ளது.
Mobile AppDownload Get Updated News