நடப்பு சீசனில் லீக் போட்டிகள் முடியும் தருவாயில் உள்ளத, லீக் ஆட்டங்களில் 97 ஆட்டங்கள் முடிவடைந்த நிலையில் அரையிறுதிக்காண அட்டவணை வெளியிட்டுள்ளனர். புள்ளிப் பட்டியலில் முதல் இடத்தில் இருக்கும் மோகன் பேகன் அணியும், இரண்டாம் இடத்தில் இருக்கும் மும்பை அணியும் மட்டுமே அரையிறுதி சுற்றுக்கு முன்னேறியுள்ளது. மேலும் கோவா, நார்த் ஈஸ்ட், ஹைதராபாத், பெங்களூரு என மற்ற அணிகளும் அரையிறுதிக்காண கதவை தட்டிய வண்ணம் இருக்கின்றனர்.
இன்னும் ஓரிரு வாரங்களில் யார் அரையிறுதிப் போட்டிக்கு முன்னேறுவார்கள் என்பதற்கு விடை தெரிந்துவிடும். அரையிறுதி போட்டி இரண்டு சுற்றுகளாக நடைபெறும். முதல் அரையிறுதியில் முதல் சுற்று மார்ச் மாதம் 5ஆம் தேதி நடைபெறுகிறது, அதை தொடர்ந்து, இரண்டாம் அரையிறுதியின் முதல் சுற்று மார்ச் மாதம் 6ஆம் தேதி நடைபெறுகிறது.
மான்செஸ்டர் சிட்டி அணி மீண்டும் வெற்றி: புள்ளி பட்டியலில் முன்னேறும் வாய்ப்பை நழுவ விட்டது எவர்டன்!
மேலும், முதல் அரையிறுதியின் இரண்டாம் சுற்று மார்ச் மாதம் 8ஆம் தேதி நடைபெறுகிறது, அதை தொடர்ந்து இரண்டாம் அரையிறுதியின் இரண்டாம் சுற்று மார்ச் மாதம் 9ஆம் தேதி நடைபெறுகிறது. இறுதியாக மார்ச் மாதம் 13ஆம் தேதி இந்தியன் சூப்பர் லீக் ஆட்டத்தில் இறுதி போட்டி நடைபெறுகிறது. இந்தியன் சூப்பர் லீக் போட்டியின் அரையிறுதி மற்றும் இறுதிப் ஆட்டங்களுக்கான அட்டவணையை வெளியிட்டது ரசிகர்களை குதூகலம் அடைய செய்துள்ளது.
Mobile AppDownload Get Updated News