கோல் அடித்து அசத்திய டிராவோரே: லிவர்பூல் ஆதிக்கம்!

2020ஆம் ஆண்டில் ஒரு கோல் கூட அடிக்காமல் பல ட்ரோல்களுக்குள்ளான டிராவோரே கடைசியாக ஒரு கோலை பதிவுசெய்துள்ளார்.

இங்கிலாந்து நாட்டில் ஆண்டுதோறும் நடக்கும் எஃப்ஏ கோப்பையின் மூன்றாவது ரவுண்டில் ஆஸ்டன் வில்லா அணியும் லிவர்பூல் அணியும் மோதின. கொரோனா வைரஸ் தொற்றின் காரணமாக அணியின் முதல்நிலை வீரர்களை களமிறக்காமல் அணியின் இரண்டாம்நிலை, மூன்றாம் நிலை வீரர்களை களமிறக்கியது ஆஸ்டன் வில்லா, இதற்கு நேர்மாறாக கிட்டத்தட்ட தனது முழுசக்தியுடன் களமிறங்கியது லிவர்பூல்.

சீசனின் துவக்கத்தில் 7-2 என்ற கோல் கணக்கில் லிவர்பூல் அணி ஆஸ்டன் வில்லாவிடம் தோல்வியை தழுவியது. இதற்கு பதிலடி கொடுக்க சரியான சந்தர்ப்பமாக பார்க்கப்பட்டது. இந்நிலையில் ஆட்டம் துவங்கியதும் மூன்றாவது நிமிடத்தில் கர்டிஸ் ஜோன்ஸ் கொடுத்த கிராசை தலையால் முட்டி கோலாக மாற்றினார் சாடியோ மானே, தொடர்ந்து ஆதிக்கம் செலுத்திய லிவர்பூல் கிடைத்த நேரத்திலெல்லாம் கோலை நோக்கி ஷாட் அடிக்க எதுவும் கோலாக மாறவில்லை. முதல் பாதி முடிவடையும் சமயத்தில் ஆஸ்டன் வில்லாவின் கால்லம் ரோவ் கொடுத்த அருமையான பாசை லூயி பேரி அட்டகாசமாக கோலாக மாற்றினார். ஆட்டம் முழுவதும் ஆதிக்கம் செலுத்திய லிவர்பூல் அணிக்கு இது பெரும் அதிர்ச்சியை கொடுத்தது.
இரண்டாவது பாதியில் அதிக உக்கிரமாக களமிறங்கிய லிவர்பூல் அணி ஆரம்பம் முதலே ஆதிக்கம் செலுத்தியது இதன் பலனாக 60வது நிமிடம் துவங்கி ஐந்து நிமிடத்தில் மூன்று கோல் போட கண்ணிமைக்கும் நேரத்தில் 1-1 என இருந்த கோல் கணக்கு 4-1 என மாறியது. அவற்றில் வெயினால்டும, மானே, சாலா ஆகியோர் தலா ஒரு கோல் அடித்தனர். லிவர்பூல் எதிராக கோல் அடித்த லூயி பேரிக்கு வெறும் 17 வயதுதான் என்பது குறிப்பிடத்தக்கது.

மற்றொரு ஆட்டத்தில் வொல்வர்ஹாம்ப்டன் அணியும் கிரிஸ்டல் பாலஸ் அணியும் மோதின. இது ஏட்டிக்கு போட்டியாகவே நடந்து முடிந்தது. ஆட்டத்தில் பெரிதாக யாரும் யாரும் தாக்குதலில் ஈடுபடவில்லை இருப்பினும் 2020 ஆம் ஆண்டு ஒரு கோல் கூட போடாத அடாமா டிராவோரே இந்த ஆட்டத்தில் தன் அணியை வெற்றி பெற செய்த ஒரே கோலை அவர் தான் பதிவு செய்தார். இதனால் ஓராண்டிற்கு பிறகு டிராவோரே கோல் அடிக்க 2021 அவர் ஆண்டாக இருக்கும் என்று ரசிகர்கள் நம்பிக்கை தெரிவித்துள்ளனர்.