அமெரிக்க ஓபன் டென்னிஸ்: பட்டம் வென்றார் டாமினிக் தைம்

கிட்டதட்ட 4 மணி நேரம் நீடித்த பரபரப்பான இறுதிப் போட்டியில் அலேக்ஜாண்டர் ஜ்வெர்வ்வை வீழ்த்தி முதல் கிராண்ட் ஸ்லாம் பட்டத்தை வென்றுள்ளார் டாமினிக் தைம்.

பார்வையாளர்கள் இல்லாமல் நடைபெற்ற இறுதிப் போட்டி, ரசிகர்களின் ரத்தை கொதிப்பை அதிகரிக்கும் வகையில் பரபரப்பாக நடைபெற்றது. 2-6, 4-6 என முதல் இரண்டு செட்களை அலேக்ஜாண்டர் வென்றார். பட்டம் அவருக்குத்தான் என்று கருதிய நிலையில், டாமினிக் டாமினேட் செய்து 6-4 அடுத்த செட்டை கைப்பற்றினார். போட்டி விருவிருப்படையத் தொடங்கியது. அடுத்த செட் ஆட்டத்தில் அனல் பறந்தது. அதிலும், 6-3 என டாமினிக் வெற்றிபெற ஐந்தாவது செட் முக்கியத்துவம் பெற்றது. இருவரும் மாறிமாறி புள்ளிகளைக் குவித்ததால் யாருக்கு வெற்றி என்பதை இறுதிவரை கணிக்க முடியாத நிலை ஏற்பட்டது.

ஒருவழியாக 7-6 என ஐந்தாவது செட்டை கைப்பற்றி முதல் கிராண்ட் ஸ்லாம் பட்டத்தைத் தனதாக்கிக் கொண்டார். முதல் இரண்டு செட்களை இழந்தும் விடாமுயற்சியுடன் போராடி வெற்றிபெற்ற டாமினிக் தீம் ஓவர் நைட்டில் டென்னிஸ் உலகின் கதாநாயகனாக மாறியுள்ளார்.

அமெரிக்க ஓபன் தொடரில் முதல்முறையாக இறுதிப் போட்டி டிரா ஆகிக் கூடுதல் செட் வழங்கப்பட்டது இதுவே முதல்முறை. பட்டம் வென்ற பின் பேசிய டோமினிக் தைம், “இருவரும் வெற்றி பெற்றதாக கருதுகிறேன். கடைசிவரை இருவரும் சமமான போட்டியை வெளிப்படுத்தினோம்” என்றார்.


கிராண்ட் ஸ்லாம் போட்டிகளில் மூன்றுமுறை இறுதிப் போட்டி வரை முன்னேறிய டோமினிக் தைம், முதல்முறையாக பட்டம் வென்றுள்ளது இதுவே முதல்முறையாகும். இந்த ஆண்டு தொடக்கத்தில் நடைபெற்ற ஆஸ்திரேலிய ஓபனில் இறுதிப் போட்டிவரை சென்றார். 2018, 2019 ஆகிய ஆண்டுகளில் பிரன்ஞ்சு ஓபனில் இறுதிப் போட்டிக்குத் தகுதிபெற்றார் என்பது குறிப்பிடத்தக்கது.

2014ஆம் ஆண்டில் அமெரிக்க ஓபனில் முதல்முறை பட்டம் வென்ற ப்ளஸிங் மியோடௌஸ்ற்கு பிறகு அறிமுக கிராண்ட் ஸ்லாம் பட்டம் பெற்றவராக டோமினிக் தைம் திகழ்கிறார்.

கடுமையான போட்டி கொடுத்த ஜ்வெர்வ் இதுவரை முதல் செட்களை 16 முறை வென்றுள்ளார். இப்போட்டியில் வெறும் 30 நிமிடங்கிளேயே முதல் செட் வென்று அசத்தி பார்வையாளர்களைப் பிரமிக்க வைத்தார் என்பது குறிப்பிடத்தக்கது.