சர்வேச பேட்மிண்டன் போட்டிகளில் இருந்து பி.வி.சிந்து ஓய்வு பெறுவதாக வெளியான தகவல் உண்மையில்லை. கொரோனா தொடர்பான சிந்துவின் அறிக்கை தவறாகப் புரிந்துகொள்ளப்பட்டுள்ளது என தற்போது விளக்கம் அளிக்கப்பட்டுள்ளது.
இந்திய பேட்மிண்டன் நட்சத்திரம் பி.வி.சிந்து சமீபத்தில் வெளியிட்ட ட்விட்டர் பதிவில், ‘ஐ ரிட்டயர்’ என்ற வார்த்தையைப் பயன்படுத்தியிருந்தார். இதனைத் தொடர்ந்து அவரின் ட்வீட் வைரலான நிலையில், தனது ட்விட்டர் பதிவு தவறாகப் புரிந்துகொள்ளப்பட்டது என சிந்து விளக்கமளித்துள்ளார்.
இந்த சர்ச்சை குறித்து விளக்கமளித்துள்ள சிந்து, “கொரானா அச்சத்திலிருந்து மட்டுமே விலகுகிறேன். மக்களின் கவனத்தை ஈர்ப்பதற்காகவே ஓய்வு என்ற வார்த்தையைப் பயன்படுத்தினேன்” எனத் தெரிவித்துள்ளார்.
“டென் மார்க் ஓபன் இந்த வருடம் நடைபெறாது எனத் தெரிகிறது. இருப்பினும் நான் தொடர்ந்து பயிற்சிகளை மேற்கொண்டு எதிர்வரும் பேட்மிண்டன் தொடர்களில் சிறப்பாக விளையாடுவேன். என்னுடைய அறிக்கைகளைத் தெளிவாக படிக்காமல் நான் ஓய்வு அறிவிப்பை வெளியிட்டுவிட்டேன் என சில பத்திரிக்கைகள் செய்தி வெளியிட்டு வருகிறது. அது முற்றிலும் தவறான தகவல். தொடர்ந்து விளையாடி இந்தியாவுக்குப் பெருமை சேர்ப்பேன்” எனக் கூறியுள்ளார்.
சிஎஸ்கே ரசிகர்களுக்கு அதிர்ச்சித் தகவல்...ஷேன் வாட்சன் ஓய்வு?
ஹைதராபாத் நகரத்தை சேர்ந்த பி.வி.சிந்து 2009ஆம் ஆண்டு முதல் சர்வதேச பேட்மிண்டன் போட்டிகளில் பங்கேற்று வருகிறார். 2016ஆம் ஆண்டு ஒலிம்பிக் போட்டியில் இறுதிப் போட்டி வரை முன்னேறி இந்தியாவுக்கு பெருமை சேர்த்தார் என்பது குறிப்பிடத்தக்கது.
Mobile AppDownload Get Updated News