பரபரப்பாக நடைபெற்ற இறுதிப் போட்டியில் பெலாரஸ் வீராங்கனை விக்டோரியாவை, 22 வயதான ஜப்பான் வீராங்கனை நவோமி ஒசாகா எதிர்கொண்டார். முதல் செட்டில் 1-6 என மோசமாகத் தோற்ற ஒசாகா, பின்னர் கோரதாண்டவத்தை வெளிப்படுத்தி அடுத்த இரண்டு செட்களில் 6-3, 6-3 என விக்டோரியாவை வீழ்த்தி வெற்றிபெற்றார்.
இதன்மூலம் இரண்டாவது முறையாக அமெரிக்க ஓபன் பட்டத்தைக் கைப்பற்றியுள்ள அவருக்கு இந்திய மதிப்பில் சுமார் 22 கோடி ரூபாய் பரிசுத் தொகை வழங்கப்பட்டது.
ஐபிஎல் கோப்பை யாருக்கு? கெவின் பீட்டர்சன் அதிரடி பதில்!
அரையிறுதிப் போட்டியில் செரினா வில்லியம்ஸ் தோல்வி கண்டதால், இறுதிப் போட்டி மிகுந்த எதிர்பார்ப்பை ஏற்படுத்தியிருந்தது.
விறுவிறுப்புடன் நடைபெற்ற இப்போட்டியில் சர்வதேச ரேங்கில் 27ஆவது இடத்தில் உள்ள அசரங்காவை வீழ்த்தி சாம்பியனாகியுள்ள ஒசாகா, இதற்குமுன் 2018ஆம் ஆண்டிலும் பட்டம் வென்றிருந்தார்.
ஆண்கள் பிரிவில் நடைபெற்ற லீக் போட்டியின்போது நோவாக் ஜோக்கோவிச், எதிர்பாராத விதமாக நடுவரை நோக்கி பந்தை அடித்தார். பந்து, நடுவரின் தொண்டைப் பகுதியை தாக்கியதில் காயம் ஏற்பட்டது.
ஐபிஎல் கேப்டன்களில் தோனி, ரோஹித்தை விடச் சிறந்தவர் இவர்தான்: பிராட் ஹாக் கணிப்பு!
அமெரிக்க டென்னிஸ் கூட்டமைப்பு இதுதொடர்பாக விசாரணை நடத்தியதில், ஜோக்கோவிச் குற்றவாளி எனத் தீர்ப்பளித்தது. இதனால், தொடரில் இருந்து வெளியேற்றப்பட்டார். இதுவரை பட்டம் வெல்லாதவர்கள் மட்டுமே களத்தில் உள்ளனர்.
இந்த வருடம் புதுமுக வீரர் ஒருவர் அமெரிக்க ஒபன் பட்டத்தை வெல்ல உள்ளார் என்பது குறிப்பிடத்தக்கது. நாளை நடைபெறவுள்ள இறுதிப் போட்டியில் ஜ்வெரிவ் என்பவர் தைம்மை எதிர்கொண்டு விளையாட உள்ளார்.
Mobile AppDownload Get Updated News