Ronaldo Wonder Goal: நானா இப்பிடி 8 அடிக்கு தாவுனேன்... ‘ஒண்டர் கோல்’ குறித்து ஆச்சரியப்பட்ட ரொனால்டோ!

இத்தாலியில் சுமார் 121 ஆண்டுகளாக பாரம்பரிய ‘சீரி ஏ’ கால்பந்து தொடர் நடக்கிறது. இந்த ஆண்டுக்கான லீக் போட்டிகள் தற்போது நடக்கிறது. இதில் போர்ச்சுகல் வீரர் கிறிஸ்டியானோ ரொனால்டோ ஜுவண்டஸ் அணிக்காக விளையாடுகிறார்.

8 அடி தாவிய ரொனால்டோ
இந்நிலையில் ஜுவண்டஸ், சாம்ப்டோரியா அணிகள் மோதிய போட்டியில் ஜுவண்டஸ் அணி 2-1 என்ற கோல்கணக்கில் வென்றது. இதில் போட்டியின் 45ஆவது நிமிடத்தில் ஜுவண்டஸ் வீரர் ரொனால்டோ, சுமார் 8 அடிக்கு தாவி தலையால் அடித்த கோலி ரசிகர்களை கவர்ந்துள்ளது.

விசித்திர திறமை
காலபந்தாட்டத்தில் கோல் அடிக்கும் முறைகளில் பை-சைக்கிள் கிக், ஹெட்டர் ஆகிய முறைகள் மிகவும் கடினமானது. ஆனால் ரொனால்டோ இந்த கோலை சர்வசாதரணமாக அடித்துள்ளார். தரையில் இருந்து அவர் இந்த கோல் அடிக்க தாவிய உயரம் சுமார் 2.56 மீட்டர் (8.3 அடி) ஆகும். ரொனால்டோவின் இந்த விசித்திர திறமையை அவரது ரசிகர்கள் சமூக வலைதளத்தில் ஒண்டர் கோல் என கொண்டாடி வைரலாக்கி வருகின்றனர்.

அப்படியா?
இந்த கோல் அடித்த பின் ரொனால்டோவிடம் அவர் 8 அடி உயரம் தாவினார் என கூறிய போது அவரே ஆச்சரியப்பட்டார். போட்டிக்கு பின் பேசிய ரொனால்டோ, “அப்படியா, நிஜமாகவே நான் அவ்வளவு உயரம் தாவினேனா? ஆனால் அதன் முடிவு கோலாக மாறியதில் தான் மகிழ்ச்சி. இது ரொம்ப கடினமான போட்டியாக இருந்தது. சாம்ப்டோரியா அணி வீரர்கள் மிகச்சிறப்பாக விளையாடினர். அணிக்கு 3 புள்ளிகள் கிடைக்க நான் கைகொடுத்ததில் மகிழ்ச்சியாக உள்ளது” என்றார்.


என்.பி.ஏ. வீரர்களை ஓரங்கட்டினார்
ரொனால்டோவின் ஒண்டர் கோல் உலகளவில் பெருமையாகப் பேசப்பட்டு வருகிறது. செங்குத்தாக அதிக உயரம் தாவிய விளையாட்டு வீரர்களில் என்.பி.ஏ. கூடைப்பந்து விளையாட்டின் முன்னாள் வீரர் மைக்கேல் ஜார்டன் (116.8 செ.மீ.,) சாதனைபடைத்துள்ளார். தற்போது இந்த கோலை அடிக்க ரொனால்டோ 71 செ.மீ., உயரம் தாவியுள்ளார். ஆனால் என்.பி.ஏ. கூடைப்பந்து வீரர்கள் கூடையில் பந்தை போட சராசரியாக 60 முதல் 70 செ.மீ. உயரம் தாவுவார்கள். இதையும் மிஞ்சியுள்ளார் ரொனால்டோ