Davis Cup: பாகிஸ்தானை வெளுத்துக் கட்டிய இந்தியா!

டேவிஸ் கோப்பை டென்னிஸ் தொடருக்கான தகுதிப் போட்டியில் இந்தியாவும் பாகிஸ்தானும் மோதின. கஜகஸ்தானில் நவம்பர் 29ஆம் தேதி தொடங்கிய இப்போட்டியில் இந்திய அணி 2-0 என்ற கணக்கில் முன்னிலையில் இருந்தது. இந்நிலையில் இன்று (நவம்பர் 30) இரட்டையர் போட்டியில் அனுபவம் வாய்ந்த லியாண்டர் பயஸும், இளம் வீரரான ஜீவன் நெடுஞ்செழியனும் இணைந்து பாகிஸ்தான் அணியின் ஹுசைஃபா அப்துல் ரஹ்மான் - முகமது சோயப் ஜோடியை எதிர்கொண்டது.

இப்போட்டியில் இந்திய ஜோடி 6-1, 6-3 என்ற நேர் செட் கணக்கில் பாகிஸ்தான் ஜோடியை வீழ்த்தியது. இதன் மூலம் இந்திய அணி 3-0 என்ற புள்ளிக் கணக்கில் முன்னிலை பெற்றது. இந்த வெற்றியுடன் லியாண்டர் பயஸ் தனது சாதனையைப் புதுப்பித்துள்ளார். டேவிஸ் கோப்பை டென்னிஸ் தொடரில் அதிக வெற்றிகளைக் குவித்த வீரர் என்ற சாதனையை பயஸ் மெருகேற்றியுள்ளார்.


400 ரன் சாதனையை நழுவ விட்ட வார்னர்! இப்படி பண்ணிட்டீங்களே டிம் பெய்ன்!!

அதாவது லியாண்டர் பயஸ் டேவிஸ் கோப்பை தொடர்களில் இதுவரையில் மொத்தம் 44 ஆட்டங்களில் வெற்றிபெற்றுள்ளார். 43ஆவது வெற்றியைப் பதிவுசெய்தபோதே அதிக டேவிஸ் கோப்பை ஆட்டங்களை வென்ற வீரர் என்ற சாதனையைத் தனதாக்கியிருந்தார் லியாண்டர் பயஸ். இவருக்கு முன்னர் இத்தாலி வீரர் நிகோலா பிட்ராங்கலி இச்சாதனையை வைத்திருந்தார்.

சச்சின், கோலி சாதனையை ஊதித் தள்ளிய ஸ்டீவ் ஸ்மித்!! 73 ஆண்டு கால சாதனை முறியடிப்பு!!

46 வயதான லியாண்டர் பயஸ் 56 ஆட்டங்களில் 43 வெற்றிகளைப் பதிவுசெய்தார். நிகோலா பிட்ராங்கலிக்கு இச்சாதனையை நிகழ்த்த 66 ஆட்டங்கள் தேவைப்பட்டது. தற்போது விளையாடிக் கொண்டிருக்கும் டென்னிஸ் வீரர்களில் எவரும் லியாண்டர் பயஸின் சாதனையை முறியடிக்க முடியாதுபோல் தெரிகிறது. பெலாரஸ் நாட்டின் மேக்ஸ் மிர்னி மொத்தம் 36 டேவிஸ் கோப்பை வெற்றிகளைப் பெற்றுள்ளார். ஆனால் 2018க்குப் பிறகு அவர் டேவிஸ் கோப்பை தொடரில் பங்கேற்கவில்லை என்பது குறிப்பிடத்தக்கது.

Abhimanyu Mithun: ஒரே ஓவரில் 5 விக்கெட் வீழ்த்தி சாதனை!

பயஸ் - நெடுஞ்செழியன் ஜோடியைத் தொடர்ந்து ரிவர்ஸ் தனிநபர் பிரிவில் இந்தியாவின் சுமித் நகல், பாகிஸ்தான் வீரர் யூசப் கலீலை 6-1, 6-0 என்ற செட் கணக்கில் வீழ்த்தினார். இதனால் இந்திய அணி 4-0 என்ற கணக்கில் பாகிஸ்தானை வீழ்த்தியது. ஐந்தாவது போட்டி இரு அணி வீரர்களின் ஒப்புதலுடன் கைவிடப்பட்டது.