PBL auction: ரூ.77 லட்சத்துக்கு விலைபோன பிவி சிந்து!

ஐபிஎல் கிரிக்கெட் போட்டிகளைப் போல, பேட்மிண்டன் போட்டிகளையும் இந்தியாவில் பிரபலப்படுத்தும் நோக்கத்தில் பிரீமியர் பேட்மிண்டன் லீக் தொடர் 2013ஆம் ஆண்டில் தொடங்கப்பட்டு நடத்தப்பட்டு வருகிறது. இத்தொடரின் ஐந்தாவது சீசன் 2020 ஜனவரி மாதம் தொடங்குகிறது. இத்தொடரில் பங்கேற்கும் அணிகளுக்கான வீரர்கள் தேர்வு நடைபெற்றது.

வீரர்களுக்கான ஏலத்தில் அதிகபட்ச தொகையாக ரூ.77 லட்சத்துக்கு பிவி சிந்துவை ஹைதராபாத் ஹண்டர்ஸ் அணி வாங்கியுள்ளது. இந்தியாவின் நம்பர் 1 பேட்மிண்டன் வீராங்கனையான சிந்து உலக சாம்பியன் பட்டத்தைக் கைப்பற்றியவர். பிபிஎல் நான்காவது சீசனிலும் ஹைதராபாத் ஹண்டர்ஸ் அணிக்காகவே சிந்து விளையாடினார்.


பிவி சிந்துவுக்கு ஈடாக, ரூ.77 லட்சம் கொடுத்து உலகின் நம்பர் 1 பேட்மிண்டன் வீராங்கனையான சீன தைபேயின் தை சூ யிங்கை பெங்களூரு ரேப்டார்ஸ் அணி வாங்கியுள்ளது. கடந்த சீசனில் சாம்பியன் பட்டம் வென்ற பெங்களூரு ரேப்டர்ஸ் அணி தை சூ யிங்கை ஏலத்தில் எடுப்பதில் புனே 7 ஏசஸ் அணி கடுமையான போட்டியை வழங்கியது. இறுதியில் அதிக தொகை கொடுத்து தை சூ யிங்கை பெங்களூரு அணி வாங்கிவிட்டது.

ஸ்டீவ் ஸ்மித்தை வேகமாக நெருங்கும் ‘கிங்’ கோலி... ‘டாப்-5’இல் மூன்று இந்தியர்கள்!

இந்தியாவைச் சேர்ந்த ஆண்களுக்கான இரட்டையர் பிரிவு பேட்மிண்டன் வீரர் ராங்கிரெட்டிக்கு ரூ.62 லட்சம் விலை கிடைத்துள்ளது. அவரை சென்னை சூப்பர் ஸ்டார்ஸ் அணி வாங்கியுள்ளது. கொரியாவைச் சேர்ந்த கோ சங் ஹுயனை ரூ.55 லட்சத்துக்கு அவாதே வாரியர்ஸ் அணியும், ஹாங்காங்கின் லீ செக் யூவை ரூ.50 லட்சம் கொடுத்து நார்த் ஈஸ்டர்ன் அணியும் வாங்கியுள்ளன.

Ravi Shastri: ‘தல’ தோனி விஷயத்துல ஆள் ஆளுக்கு எதாவது பேசாதீங்க... ஐபிஎல் வரை வெயிட் பண்ணுங்க: ரவி சாஸ்திரி!


இந்திய வீரர் சாய் பிரனீத் ரூ.32 லட்சத்துக்கு பெங்களூரு ரேப்டர்ஸ் அணியால் வாங்கப்பட்டுள்ளார். சுமீத் ரெட்டி ரூ.11 லட்சத்துக்கு சென்னை சூப்பர் ஸ்டார்ஸ் அணியாலும், கிராக் செட்டி ரூ.15.5 லட்சத்துக்கு புனே 7 ஏசஸ் அணியாலும் வாங்கப்பட்டுள்ளனர்.

தேசிய பேட்மிண்டன் பயிற்சியாளரான புலேலா கோபிசந்தின் மகள் காயத்ரி கோபிசந்த் ரூ.2 லட்சத்துக்கு சென்னை சூப்பர் ஸ்டார்ஸ் அணியால் வாங்கப்பட்டுள்ளார்.

இந்தியா, ஆஸ்திரேலியா, நியூசிலாந்து அணிகள் டெஸ்டில் சேர்ந்து செஞ்ச மெகா சாதனை!

இந்தியாவின் முன்னணி பேட்மிண்டன் வீராங்கனையான சாய்னா நேவால் இந்தத் தொடரிலிருந்து விலகியுள்ளார். சர்வதேச பேட்மிண்டன் தொடருக்குத் தயாராகும் விதத்தில் அதற்கான பயிற்சிகளில் ஈடுபடப்போவதாகக் காரணம் கூறியுள்ளார். அதேபோல, 2020 ஒலிம்பிக் போட்டிகளுக்குத் தயாராகப்போவதாகக் கூறி இத்தொடரிலிருந்து விலகியுள்ளார் கிடாம்பி ஸ்ரீகாந்த்.

இவ்விருவரும் தொடரில் இடம்பெறாத நிலையில் போட்டிகளில் விருவிருப்பு குறைவாகவே இருக்கும் என்று கருதப்படுகிறது.