நான்காவது சுற்றில் நட்சத்திர வீரர்கள்: காலிறுதியை நோக்கி நடால், பெடரர், செரினா!

கிராண்ட்ஸ்லாம் டென்னிஸ் தொடரில் ஒன்றான யு.எஸ் ஓபன் டென்னிஸ் தொடர் அமெரிக்காவின் நியூயார்க் நகரில் நடக்கிறது. இதன் ஆண்கள் ஒற்றையர் பிரிவு மூன்றாவது சுற்றில் உலகின் ‘நம்பர்-3’ வீரரான சுவிட்சர்லாந்தின் ரோஜர் பெடரர், உலகின் 58வது இடத்தில் உள்ள இங்கிலாந்தின் டேடினியல் எவன்ஸை எதிர் கொண்டார்.

இதில் துவக்கம் முதல் அசத்திய பெடரர், முதல் செட்டை 6-2 என வென்றார். தொடர்ந்து சிறப்பான ஆட்டத்தை வெளிப்படுத்திய பெடரர், இரண்டாவது செட்டையும் 6-2 என வென்றார். அடுத்து நடந்த மூன்றாவது செட்டையும் 6-1 என பெடரர் எளிதாக தன்வசப்படுத்தினார்.


முடிவில், சுவிட்சர்லாந்தின் ரோஜர் பெடரர், இங்கிலாந்தின் டேடினியல் எவன்ஸை 6-2, 6-2, 6-4 என்ற செட்கணக்கில் வீழ்த்தி நான்காவது சுற்றுக்கு முன்னேறினார்.

நடால் அபாரம்:
மற்றொரு ஆண்கள் ஒற்றையர் பிரிவு மூன்றாவது சுற்று போட்டியில் ஸ்பெயினின் ரபெல் நடால், கொரியாவின் யியான் சுங்கை 6-3, 6-4, 6-2 என்ற செட்களில் வீழ்த்தி அடுத்த சுற்றுக்கு தகுதி பெற்றார்.


செரினா அசத்தல்:
இதேபோல பெண்கள் ஒற்றையர் பிரிவு மூன்றாவது சுற்றில் முன்னணி வீராங்கனையான அமெரிக்காவின் செரினா வில்லியம்ஸ், செக் குடியரசின் கரோலினா முசாவோவை 6-3, 6-2 என்ற செட்களில் வீழ்த்தி நான்காவது சுற்றுக்கு முன்னேறினார்.