சமயம் தமிழ் இணையதளத்தின் முதன்மை ஆசிரியர் ராஜேஷ் கல்ராவுக்கு அளித்த பேட்டியில் அவர் இதனை உறுதிபடுத்தியுள்ளார். மும்பையில் உள்ள கோகிலாபென் திருபாய் அம்பானி மருத்துவமனையில் அனுமதிக்கப்பட்டுள்ள சாய்னாவுக்கு, முழங்காலில் இந்த அறுவை சிகிச்சை செய்யப்பட உள்ளது. ஏற்கனவே, பயிற்சியின்போது, காயம் ஏற்பட்ட நிலையிலும், வலி நிவாரணி மட்டும் எடுத்துக் கொண்ட சாய்னா, ஒலிம்பிக் போட்டியில் பங்கேற்க சென்றுவிட்டார்.
ஆனால், அவரால் முழு பங்களிப்பை வழங்க முடியாத நிலையே ஏற்பட்டது. இதனால், காயம் இன்னும் தீவிரம் அடைந்த நிலையில், ஒலிம்பிக் போட்டியில் இருந்து பாதியிலேயே வெளியேறியதாகவும், ஹைதராபாத்தில் உள்ள தனியார் மருத்துவமனையில் பரிசோதனை செய்தபின், தற்போது மும்பையில் அறுவைசிகிச்சைக்கு வந்துள்ளதாகவும் சாய்னா நேவால் தெரிவித்துள்ளார்.
கடந்த ஒலிம்பிக்கில், பேட்மிண்டன் போட்டியில் வெண்கலம் வென்ற சாய்னா, இந்த முறை தங்கம் வெல்வார் என எதிர்பார்க்கப்பட்டது. எனினும், அவர் தொடக்கத்திலேயே வெளியேற நேரிட்டது. அதேசமயம், பி.வி.சிந்து, அந்த குறையை போக்கி, மகளிர் ஒற்றையர் பேட்மிண்டனில் இறுதிச்சுற்று வரை முன்னேறி, வெள்ளிப்பதக்கம் வென்றது குறிப்பிடத்தக்கது.
Mobile AppDownload Get Updated News